C'l artìcul chè 'l è scrit in Miranduléś Emiliàn

House of 1000 Corpses
La casa dei 1000 corpi

Chad Bannon in na figùra dal film
La cà di 1000 còrp
2003
Regìa: Rob Zombie
Scritōr: Rob Zombie
Atōr: Sid HaigWilliam BassettKaren Black
Erin DanielsJudith DrakeWalton Goggins
Sheri MoonBill MoseleyMatthew McGrory
Müsica: Scott Humphrey • Rob Zombie
Léngua: Ingléś
Dürä dal film: 89 minüt
Nasiōṅ: Stat Unî


«
Terōr, sànguv e delìri par na stòria ch'la nascónd da piò ad mila segrét, da piò ad mila scarési, da piò ad mila cadàvar.»
(Tagline dal film)


La casa dei 1000 corpi (La cà di 1000 còrp) 'l è 'n film ad scarésa americàṅ dal 2003 scrit e dirèt par Rob Zombie.

Cl'òpra chè l'à fat sù dagnóra darsèt migliòṅ ad dòlar dòp ès'r-an custàda sèt. In dal 2005 la gh'à abû 'n séguit da 'l tìtul La casa del diavolo.

Sunt

A la vigìglia di dè di mòrt dal 1977, un grup ad śōvan, Bill Hudley (Rainn Wilson) e Jerry Goldsmith (Chris Hardwick), e 'l sò muróśi, la Mary Knowles (Jennifer Jostyn) e la Denise Willis (Erin Daniels), i s férm'n in un pòst ad campàggna a far rifurnimènt da 'n sèrt capitàṅ Spaulding (Sid Haig), un tisi fóra 'd tèsta vistî da pajàs ch'l à péna masâ dū delinquènt ch'i vlìvan rapinàr-al: Karl (Chad Bannon) e Richard Wick (David Reynolds).

Spaulding al gh fà far un gir in dal sò “Muśèo di Móstar e di Insiminî”, un “tunnel di sasèṅ” in du i s pōlan véd'r i fantòs animâ di più grand masadōr seriài dla stòria. I ragàs, ch'i gh'aṅ da scrìv'r un lìbar su 'l stòri più strani dla pruìnsa americàna, i fàn'n a mènt a 'l dutōr Satan (Walter Phelan), un serial killer ch'al stava pròpria da cal bandi lè. Spaulding al i manda a 'l àrbul in du 'l sasèṅ 'l éra stâ impicâ.

Lung la via però un tisi al śbuśìs na guma dal furgunsèṅ di furastēr e i ragàs i èṅ custrét a pasàr la nòt a cà dna ragàsa ch'la gh'iva dmandâ 'n pasàǵ in màchina, la Baby Firefly (Sheri Moon). Chi lē la gh fà cgnós'r i sò parènt: sò màdar Mother Firefly (Karen Black), sò nunòṅ Hugo (Dennis Fimple) e i sò fradèi Tiny (Matthew McGrory), Rufus (Robert Allen Mukes) e Otis B. Driftwood (Bill Moseley). Purtròp p'r i quàtar turìsta la famìja l'è na banda 'd masadōr sàdig sénsa critèri, i aṅ anc péna cupâ 'n grup ad cheerleader.

Culegamènt estéran