C'l artìcul chè 'l è scrit in Miranduléś Emiliàn

L'Isabelle Adjani tòlta śò a Cannes in dal 2009
L'Isabelle Adjani in dal 2012


L’Isabelle Yasmina Adjani (Parì, 27 ad Śugn dal 1955), cgnusùda méj cuma Isabelle Adjani, l'è n'atōra e cantànta francéśa.

L'è stada candidàda par dū vòlti a i Prèmi Òscar p'r i film Adele H. - Una storia d'amore e Camille Claudel. Inóltar l'à vins sinc Prèmi César, dū David ad Dunatèl, 'n Órs 'd Argìnt a 'l Fèstival ad Berlîṅ e 'n prèmi par l'atōra più brava a 'l Fèstival ad Cannes.

La gh'à dū fiōi, Barnabe nâ in dal 1979 da la sò relasiòṅ c'n al regìsta Bruno Nuytten e Gabriel-Kane nâ in dal 1995 quànd la s éra mulàda da pôc da 'l sò muróś, 'l atōr Daniel Day Lewis.

Biugrafìa

Fiōla 'd 'n algirèṅ e dna dóna uriginària dla Bavéra, l’Adjani la gira 'l sò prim film a quatórd'ś an, na pelìcula par putèṅ ciamàda Le petit bougnat, ma la s fà nutàr tri an dòp cun la cumèdia I primi turbamenti.

In di an Stanta la lavóra cun soquànt regìsta dimóndi impurtànt cuma François Truffaut (Adèle H., una storia d'amore), André Téchiné (Barocco), Werner Herzog (Nosferatu, il principe della notte), Roman Polanski (L'inquilino del terzo piano) e Walter Hill (Driver l'imprendibile).

In dal 1981 la gira cun James Ivory al film Quartet, pò in dal 1985 Luc Besson al la sarnìs p'r al sò Subway. In di an Nuànta l'è la prutagunìsta di film La Regina Margot ad Patrice Chéreau e ad Diabolique insém a la Sharon Stone.

Filmugrafìa

Culegamènt estéran