Intimacy - Nell'intimità

C'l artìcul chè 'l è scrit in Miranduléś Emiliàn

Intimacy
Intimacy - Nell'intimità

Mark Rylance in na figùra dal film
In d'l ìntim
2001
Regìa: Patrice Chéreau
Scritōr: Anne-Louise Trividic
Hanif Kureishi • Patrice Chéreau
Atōr: Mark RylanceKerry FoxSusannah Harker
Alastair GalbraithTimothy SpallFraser Ayres
Müsica: Éric Neveux
Léngua: Ingléś
Dürä dal film: 119 minüt
Nasiōṅ: FrànciaRégn UnîGermàgnaSpaggna


«
Prima 'l sès, 'l amōr dòp.»
(Tagline dal film)


Intimacy - Nell'intimità (In d'l ìntim) 'l è 'n film eròtic e dramàtic dal 2001 ad Patrice Chéreau.

'L è stâ preśentâ a 'l 51śum Fèstival ad Berlîṅ in du 'l à vins 'l „Ōrs 'd Òr“ méntar la prutagunìsta Kerry Fox l'à purtâ a cà 'l „Ōrs 'd Argìnt“.

In dla culòna sunóra, firmàda da Éric Neveux, i s càtan di pès ad David Bowie (Candidate e The Motel), di The Clash (London Calling), di Chemical Brothers (Hey Boy, Hey Girl) di Iggy & the Stooges (Consolation Prizes e Penetration), ad Nick Cave (In the Ghetto) e àt'r incóra.

Sunt

Jay (Mark Rylance) 'l è 'n barìsta ad quarànt'an ch'al lavóra in un pub ad Lóndra insém a 'l sò culéga Ian (Philippe Calvario). Da quànd al s è divìś da sò mujēr Susan (Susannah Harker), mulànd anc dū fiōi, 'l óm al pasa tut i mercurdè dòpmèśdè a gusàr cun na dóna dimóndi rója ch'al n sà gnanc al sò nóm (Kerry Fox). Al ciulàdi i vìnan fati in d'l apartamènt brut ad Jay, su 'n stramàs sfat o anc diretamènt par tèra.

Andànd cónt'r a 'l pat fra i dū, 'l óm al vōl savēr chi la s sia la sò amànta e 'l gh tîṅ adrē in fiṅ tant ch'al la bèca a recitàr a teàtar un drama 'd Tennessee Williams. Dascurénd in d'l intervàl cun 'n óm ciamâ Andy (Timothy Spall), Jay al capìs che lò 'l è sò marè e che la dóna la s ciàma Claire e la gh'à anc un fiōl.

Culegamènt estéran