Il talento di Mr. Ripley
|
C'l artìcul chè 'l è scrit in
Miranduléś |
 The Talented Mr. Ripley
| ||
| Il talento di Mr. Ripley | ||
 La Paltrow e Jude Law in na figùra dal film | ||
| Al talènt dal Sgnōr Ripley 1999 | ||
|---|---|---|
| Regìa: Anthony Minghella | ||
| Scritōr: Patricia Highsmith • Anthony Minghella | ||
| Atōr: Matt Damon • Gwyneth Paltrow • Jude Law Cate Blanchett • Philip Seymour Hoffman Sergio Rubini • Rosario Fiorello • Stefania Rocca | ||
| Müsica: Gabriel Yared | ||
| Léngua: Ingléś | ||
| Dürä dal film: 139 minüt | ||
| Nasiōṅ: Stat Unî • Itàglia | ||
Il talento di Mr. Ripley (Al talènt dal Sgnōr Ripley) 'l è 'n thriller americàṅ e itagliàṅ dal 1999 girâ p'r Anthony Minghella. 'L è stâ numinâ par vìnsar sinc Prèmi Òscar in dal 2000 ma al n à purtâ a cà gnint.
'L è 'l arfacimènt 'd un film dal 1960 ad René Clément, Delitto in pieno sole, esénd trat cuma 'l film francéś da 'l umònim rumànś dla Patricia Highsmith. La pelìcula, ch'l'à catâ sù da piò ad sènt-vint-i-òt migliòṅ ad dòlar, la 'n è custàda quarànta.
Sunt
In di Stat Unî di an Sinquànta al śōvan Tom Ripley (Matt Damon), òṅ ch'a gh piàś sunàr al piàṅ e imitàr chi àtar, al cgnós Herbert Richard Greenleaf (James Rebhorn), 'n armadōr pîṅ ad bèsi ch'al gh admànda 'd andàr in Itàglia a catàr e a purtàr indrē sò fiōl Dickie (Jude Law), un ragàs visiâ ch'l è andâ in dal “Bèl Paéś” a gòdar-'s-la fra mâr, fèsti e viàś insém a la sò muróśa Marge Sherwood (Gwyneth Paltrow).
Rivâ in Itàglia Tom al cgnós Dickie e al dvènta sò amìg daśmindgànd-'s al mutìṿ dal parchè 'l è là ma faghénd a mènt sōl a 'l lus, a i divertimènt e a la vita sénsa pinsēr che 'l americàṅ al pòrta avànti. Un dè, durànt na gita in barca a Sanremo, Dickie al sa stufa 'd lò ch'al gh stà sèmp'r adòs e al gh diś 'd alvàr al téndi. Tom al s arlìa e 'l al cópa e pò al tōś al sò pòst fargànd-ag l'identità e i bèsi.