Hot Spot - Il posto caldo

C'l artìcul chè 'l è scrit in Miranduléś Emiliàn

The Hot Spot
Hot Spot - Il posto caldo

La Connelly e la Madsen in na figùra dal film
Hot Spot - Al pòst cald
1990
Regìa: Dennis Hopper
Scritōr: Nona Tyson • Charles Williams
Atōr: Don JohnsonVirginia MadsenVirgil Frye
Jennifer ConnellyWilliam SadlerJerry Hardin
Charles Martin SmithJerry HardinLeon Rippy
Barry CorbinJack NanceMargaret Bowman
Müsica: Jack Nitzsche
Léngua: Ingléś
Dürä dal film: 130 minüt
Nasiōṅ: Stat Unî


«
A gh'è sōl dū ròbi ch'i s pōlan far in cal paiśèṅ chè. Una l'è guardàr la televiśiòṅ...»
(Tagline dal film)


Hot Spot - Il posto caldo (Hot Spot - Al pòst cald) 'l è 'n film dramàtic americàṅ dal 1990 ad Dennis Hopper, trat da 'l rumànś Hell Hath No Fury ad Charles Williams.

'L à purtâ a cà un migliòṅ e tri ad dòlar in tut.

Sunt

Harry Madox (Don Johnson) al sa stablìs in un paiśèṅ dal Tèxas par far al vendidōr ad màchini p'r al salòṅ ad George Harshaw (Jerry Hardin). Soquànt dè dòp al cgnós la bèla Gloria Harper (Jennifer Connelly), ad mistēr impiegàda, e al gh và sèg p'r andàr a tōr indrē na màchina minga pagàda da 'n tisi sinìstar ciamâ Frank Sutton (William Sadler). Chi lò, dòp avér dascórs cun la Gloria, al decìd ad tiràr fóra i bèsi dla rata. Harry al créd ch'i dū i sìan, in na sèrta manéra, 'd acòrd ma al taca listés a far-ag la cōrt e anc a la mujér ad Harshaw, la Dolly (Virginia Madsen), na biundìna ch'la s è fiacàda 'd armàgnar sèmp'r a cà da par lē.

In dal stés tèmp chi lò al s mét in tèsta ad rapinàr na banca. Un dè 'l impìsa 'n fōg là fóra par far dal caśèṅ e pò al tîṅ férum al diretōr Julian Ward (Jack Nance) par muciàr sù i bèsi da purtàr via. Prima ad cavàr-'g-la al vèṅ vdû da la Gloria ch'la s al fà piaśér incóra da piò.

In cal méntar un vèć òrub al scólta incòsa e al và a cuntàr tut a 'l sierìf (Barry Corbin). Dòp che anc Julian al gh testimògna cóntar, 'l óm al finìs in parśòṅ ma sōl par pôc parchè la Dolly la diś ch'la 'l à vdû impgnâ a śmursàr 'l inséndi prima dla rapìna. Harry al vèṅ acsè mandâ lìbar.

Culegamènt estéran