C'l artìcul chè 'l è scrit in Miranduléś Emiliàn

Twin Peaks: Fire Walk with Me
Fuoco cammina con me

La Sheryl Lee in na figùra dal film
Fōg gira mèg
1992
Regìa: David Lynch
Scritōr: Mark Frost • David Lynch • Robert Engels
Atōr: Sheryl LeeRay WiseMädchen Amick
Dana AshbrookPhoebe AugustineDavid Bowie
Kiefer SutherlandChris IsaakHeather Graham
Eric DaReMiguel FerrerPamela Gidley
Müsica: Angelo Badalamenti
Léngua: Ingléś
Dürä dal film: 130 minüt
Nasiōṅ: Stat UnîFrància


«
In na sità cuma Twin Peaks, ninsòṅ 'l è inusènt.»
(Tagline dal film)


Fuoco cammina con me (Fōg gira mèg) 'l è 'n thriller dal 1992 ad David Lynch, prequel dla série televiśiva Twin Peaks dal 1990. Trat in part da 'l rumànś Il diario segreto di Laura Palmer dla Jennifer Lynch, al film al cònta gl'indàgin in sla mòrt dla Teresa Banks e gl'ùltim sèt dè ad vita dla Laura Palmer, na studénta cgnusùda dimóndi in dal paéś imaginàri ad Twin Peaks.

'L è stâ preśentâ fóra cuncōrs a 'l 45śum Fèstival ad Cannes. Custâ déś migliòṅ ad dòlar a 'l incìrca, la pelìcula la n 'n à purtâ a cà gnanc sinc.

Sunt

A séguit dal masamènt dla pòvra Teresa Banks (Pamela Gidley) in dal paiśèṅ ad Twin Peaks, in dal stat ad Washington darènt a 'l Cànada, l'agìnt d'l FBI Gordon Cole (David Lynch) al ciàma al sò culéga Chester Desmond (Chris Isaak) par dascórar dal caś. Insém a Sam Stanley (Kiefer Sutherland) chi lò al taca a indagàr faghénd dal dmandi a la balarìna Lil (Kimberly Ann Cole). Chester al véd subìt ch'a la Teresa a gh manca 'n anèl, inóltar la gh'à scrit na létra T sóta n'ùngia. Tut 'd un trat però Desmond al sparìs.

'N an dòp a Twin Peaks la Laura Palmer (Sheryl Lee) e la Donna Hayward (Moira Kelly) i vaṅ a scóla in dua la Laura la tira sù dla cucaìna p'r al naś e la s baśa cun James Hurley (James Marshall). Dòp avér cuntâ la difarénsa ch'a gh'è fra lò e Bobby Briggs (Dana Ashbrook), chi lē la tórna a cà, in tèmp par far a mènt ch'in dal sò diàri i gh màncan dal paǵni sćiancàdi via. La śóvna la 'l pòrta a Harold Smith (Lenny von Dohlen) par far-'g-al védar.

Culegamènt estéran