Fine Young Cannibals
|
C'l artìcul chè 'l è scrit in
Miranduléś |
«
She drives me crazy like no one else, she drive me crazy and I can't help myself, tell me what you've got in mind 'cause we're running out of time, won't you ever set me free? This waiting 'round's killing me.»
(EN)(She Drives Me Crazy, 1988)
«
Lē la m fà dvintàr mat cuma ninsòṅ àtar, la m fà 'ndàr fóra 'd tèsta e a n gh pòs far gnint, dì'm qvél ch'at gh'à in mènt parchè 'l tèmp 'l è finî, m lasarà't mai lìbar? C'l aspitàr chè 'l è drē a masàr-um.»
(MUD)
I Fine Young Cannibals, da spés scurtâ in F.Y.C., i èṅ stâ 'n grup pop ingléś fundâ in dal 1984 a Birmingham. Al nóm al tulìva spunt da 'n film dal 1960, I giovani cannibali.
I mémbar dla banda i èṅ stâ Roland Gift (vóś), David Steele (bas e tastéri) e Andy Cox (chitàra). I s èṅ mulâ na prima vòlta in dal 1992 par pò turnàr insém in dal 1996 e in dal 1997 par lauràr a 'l sìngul The Flame mis dènt'r a la racòlta The Finest dal 1996, Top Déś in dal Régn Unî.
Fra i sò braṅ più famóś a 'rcurdém Johnny Come Home, Suspicious Minds (cover 'd un pès 'd Elvis Presley), She Drives Me Crazy, Good Thing e Don't Look Back, gl'ùltim tri sìngui trat da 'l sò disc più cgnusû, The Raw & the Cooked dal 1988.
Discugrafìa
Àlbum
- 1985 - Fine Young Cannibals
- 1988 - The Raw & the Cooked
- 1990 - The Raw & the Remix (àlbum ad remix)
Racòlti
- 1996 - The Finest
- 2006 - The Platinum Collection
- 2009 - She Drives Me Crazy