C'l artìcul chè 'l è scrit in Miranduléś Emiliàn


«
Saying “I love you” is not the words I want to hear from you, it's not that I want you not to say but if you only knew how easy it would be to show me how you feel, more than words is all you have to do to make it real then you wouldn't have to say that you love me cause I'd already know, what would you do if my heart was torn in two, more than words to show you feel that your love for me is real.»
(EN)(More Than Words, 1990)
«
Dir “A t vój bèṅ” i n èṅ minga 'l paròli ch'a vój sintìr da tè, a n è mia ch'a n vója mia ch't al diga ma se sōl at saìs cum a sarév fàcil mustràr cum ta t sènt, piutòst ch'al paròli 'l è qvél ch'at gh'à da far par rénd'r-al reàł acsè ta n gh'arév briśa da dir ch'ta m vōl bèṅ parchè a 'l sò bèla, csa farév-at s'al mè cōr al s sćianchìs in dū, piutòst ch'al paròli par far védar ch'i tò sentimènmt 'd amōr par mè i èṅ sćèt.»
(MUD)
Cherone e Bettencourt di Extreme tòlt śò in dal 2008 a Madrìd


Gl’Extreme i èṅ un grup hard rock americàṅ nâ a Malden (Massachusetts) in dal 1985 miténd insém al cantànt Gary Cherone c'n al baterìsta Paul Geary e pò c'n al chitarìsta Nuno Bettencourt e c'n al basìsta Pat Badger. Mis sóta cuntràt da la A&M Records, al grup al fà vgnir fóra 'n àlbum umònim in dal 1988 par pò catàr al sucès c'n al sò secónd lavōr in studi dū an dòp, Extreme II: Pornograffitti, cuciâ in élt da 'l sìngul More Than Words ch'al gh la cava a rivàr a 'l prim pòst in clasìfica.

Dòp al quàrt disc Waiting for the Punchline, gl’Extreme i s èṅ divìś par dar vita a di àtar prugèt da par lōr. Bettencourt 'l à fat vgnir fóra 'n disc sulìsta in dal 1997 da 'l tìtul Schizophonic méntar Cherone 'l à tòlt al pòst ad Sammy Hagar in di Van Halen.

In dal 2004 al grup al s è mis insém incóra, prima par di cuncèrt e pò par sunàr dal materiàl nóṿ.

In dla sò caréra gl’Extreme i èṅ stâ bòṅ ad véndar da piò ad déś migliòṅ ad disc in tut al mónd, sunànd anc insém a i Queen a 'l cuncèrt p'r arcurdàr Freddie Mercury in dal 1992.

Discugrafìa

Àlbum in studi

  • 1989 - Extreme
  • 1990 - Extreme II: Pornograffitti
  • 1992 - III Sides to Every Story
  • 1995 - Waiting for the Punchline
  • 2008 - Saudades de Rock

Àlbum da 'l viṿ

  • 2010 - Take Us Alive

Racòlti

  • 2000 - The Best of Extreme - An Accidental Collication of Atoms?
  • 2002 - 20th Century Masters - The Millennium Collection: The Best of Extreme

Culegamènt estéran