C'l artìcul chè 'l è scrit in Miranduléś Emiliàn

Elephant
Elephant

Eric Deulen e Alex Frost in na figùra dal film
Elefànt
2003
Regìa: Gus Van Sant
Scritōr: Gus Van Sant
Atōr: John RobinsonAlex FrostEric Deulen
Elias McConnellNathan TysonCarrie Finklea
Kristen HicksTimothy BottomsMatt Malloy
Jordan TaylorNicole GeorgeBrittany Mountain
Müsica: Ludwig van Beethoven
Léngua: Ingléś
Dürä dal film: 81 minüt
Nasiōṅ: Stat Unî


«
Dū studènt, un lìceo, un masàcar.»
(Tagline dal film)


Elephant (Elefànt) 'l è 'n film dramàtic americàṅ dal 2003 ad Gus Van Sant ch'l è stâ preśentâ a 'l 56śum Fèstival ad Cannes in dua 'l à vins la Palma 'd Òr e anc al prèmi par la regìa. Al tìtul dl'òpra la fà riferimènt a 'l elefànt ch'a gh'ém tut in di nòst'r òć ma ch'a fém finta 'd a n védar minga.

Al cònta in na manéra libra i fat dal masàcar dla Columbine High School in dua dū studènt, Eric Harris e Dylan Klebold, i 'n aṅ cupâ àtar dódas e anc 'n insgnànt. Insém a Gerry e a Last Days cla pelìcula chè la fà part dla trilugìa dla mòrt e l'à fat sù déś migliòṅ ad dòlar dòp ès'r-an custàda tri.

Sunt

John McFarland (John Robinson) 'l è 'n ragàs ch'al và a 'l lìceo dla sò sità. 'L è 'n dè cuma tut chi àtar e in dla scōla i studènt i ténd'n a far al sò lavōr. A gh'è la Michelle (Kristen Hicks) ch'la tîṅ adrē a la bibliutéca, Elias (Elias McConnell) ch'al pasa 'l sò tèmp da par lò e a far dal foto, la Brittany (Brittany Mountain), la Nicole (Nicole George) e la Jordan (Jordan Taylor) ch'i pènsan sōl a 'rmàgnar bèli e a curàr al còrp. Pò i gh'èṅ Eric (Eric Deulen) e Alex (Alex Frost), al prim al và mat p'r i śōg vìddeo viulènt, al secónd par la mùśica. I dū i órdnan di sćiòp par pòsta e, mént'r i spètan ch'i rìv'n a cà, i guàrd'n a la televiśiòṅ di dascórs 'd Adolf Hitler.

Dòp avér fat na dócia e vistî da guèra, i dū ragàs i partìsan par la scōla par far fóra tut qvéi ch'i pōlan. John al la scapa parchè al s catàva fóra par caś e quànd al gh pasa davśèṅ i dū i gh dìśan 'd armàgnar lè parchè i èṅ drē a far un masèl. Chi àtar i n èṅ minga acsè furtunâ invéci.

Culegamènt estéran