C'l artìcul chè 'l è scrit in Miranduléś Emiliàn

Céśa 'd Pirèṅ e Pàvel, Höchstädt


Cupio dissolvi (literalmènt a vój murìr o, incóra méj, a vrév èsar dasfàt) l'è na manéra 'd dir latìna ch'a s dróa anc da 'l nòstri bandi p'r indicàr la situasiòṅ in dua 'n qualchidòṅ al vrév dasfàr la sò parsòna e dar-'g un taj cun la vita.

La daśvîṅ da na fraś ad San Pàvel ch'la s cata in dla Bìbia in dla létra a i Filipéś 1, 23-24:

«
Coartor autem e duobus desiderium habens dissolvi et cum Christo esse multo magis melius permanere autem in carne magis necessarium est propter vos.»
(LA)(Létra a i Filipéś 1, 23-24)
«
A gh sòṅ in mèś fra chi dū quèi chè: da na banda 'l deśidèri 'd èsar dasfàt da 'l còrp p'r èsar cun Crist, ch'a sarév méj; da cl'atra banda, 'l è più necesàri par vuàt'r a 'rmagnìs in dla carna.»
(MUD)

Vóś ligàdi

Culegamènt estéran