C'l artìcul chè 'l è scrit in Miranduléś Emiliàn

Crimes of Passion
China Blue

Perkins e la Kathleen Turner in na figùra dal film
id.
1984
Regìa: Ken Russell
Scritōr: Barry Sandler
Atōr: Kathleen TurnerJohn LaughlinAnnie Potts
Anthony PerkinsBruce DavisonJanice Renney
Pat McNamaraJohn G. ScanlonStephen Lee
Dan GerrityNorman BurtonJan Rabson
Müsica: Rick Wakeman
Léngua: Ingléś
Dürä dal film: 107 minüt
Nasiōṅ: Stat Unî


«
Al sò nóm 'l è China Blue. Lē l'è guardàda. Lē l'è aduràda. E lē la gh'à 'd armàgn'r un mistēr.»
(Tagline dal film)


China Blue (id.) 'l è 'n thriller dramàtic dal 1984 ad Ken Russell. A i butghèṅ di cìnema 'l à muciâ sù dū migliòṅ e nóṿ ad dòlar.

Sunt

Bobby Grady (John Laughlin) al gh'à 'n negòsi ad cumpunènt letrònic, dū putèṅ e l'è spuśâ cun l’Amy (Annie Potts) anc s'al sò matrimòni al và mâł specialmènt da quànd lē l'à pardû interès p'r al sès. Par tiràr-as sù 'l óm al decìd ad tōr part a na terapìa ad grup. Par muciàr sù di àtar bèsi Bobby al taca a lauràr anc par Walt Pierson (Joseph Chapman) dand 'n òć ad nòt a la sò aśiénda. In séguit Lou Bateman (Norman Burton), pruprietàri dna cà ad mòda, al decìd ad dar-ag 'l incàrag ad tgnir a drē a na sò dipendènta, la Joanna Crane (Kathleen Turner), parchè al créd ch'la vénda di sò mudèi ad vistî a di cuncurènt. A n è minga acsè ma Bobby, stand-'g adòs, al vèṅ a savēr che lē ad nòt la fà la putàna cun na pirùca plàtin in cô druànd al nóm 'd art ad China Blue.

Grady al n diś gnint a Lou e al decìd 'd andàr-'g a lèt ma pò al gh cata gust e al s inamóra 'd lē anc s'al gh'à di sèns ad cólpa par la sò famìja e 'l è in imbaràs p'r i cliènt spurcaciòṅ che lē la s pòrta a cà. Fra 'd lōr a gh'è anc al prevòstar Peter Shayne (Anthony Perkins) ch'al và sèg parchè a sò dita al vōl salvàr la sò anma. Chi lò al pasa 'l sò tèmp a far di predicòs par strada e a giràr cun na bórsa cun la bìbia dèntar e cun di śavàj che lò al ciàma i “śugàtui dal diàvul”. Inólt'r al và in di lucài in dua cal dóni i s càvan śò e pò al s fà 'l ségn dla cróś. Quànd Peter al diś a la China Blue «Salva la tò anma, rója!» lē la gh rispónd «Tîṅ dacàt i tò bèsi, tèsta 'd cas!».

Bobby al s cunvìns ad lasàr sò mujér par la China Blue ma 'l prēt al s mét in mèś.

Culegamènt estéran