Cayetana Fitz-James Stuart

C'l artìcul chè 'l è scrit in Miranduléś Emiliàn


Al monumènt ala duchésa 'd Alba a Sevìglia

La María del Rosario Cayetana Paloma Alfonsa Victoria Eugenia Fernanda Teresa Francisca de Paula Lourdes Antonia Josefa Fausta Rita Castor Dorotea Santa Esperanza Fitz-James Stuart, Silva, Falcó y Gurtubay, cgnusùda anc sōl cuma Cayetana 'd Alba o cuma la duchésa 'd Alba (Madrid, 28 ad Mars dal 1926 – Sivìglia, 20 ad Nuvémbar dal 2014), l'è stada na nòbila spagnōla, capa dla Cà 'd Alba da 'l 1955 a 'l 2014, la tèrsa dóna cun cal tìtul lè.

Parènta a la luntàna 'd Jàcum II 'd Inghiltèra, la Cayetana la s è spuśàda par tri vòlti e la gh'à abû siē fiōi, sinc masć e na fémna. Di tìtui nubiliàr la in gh'iva da piò ad quarànta in tut fra duchési, marchéśi e cuntési, un rècord sertificâ p'r al Guinness World Records.

Tacànd da i an Sinquànta e i an Ssanta la s è dada da far p'r urganiśàr di ricevimènt e dal fèsti in dua, fra gl'invidâ, la psiva cuntàr su di persunàǵ cuma la Grace Kelly, Charlton Heston, la Sofia Loren, l'Ava Gardner, la Claudia Cardinale, Tom Cruise, l'Audrey Hepburn, la Maria Callas, la Jacqueline Kennedy, Jean Cocteau e Yves Saint Laurent. Dòp avér saplî i sò prim dū marè, in dal 2011 la sa spóśa par la tèrsa vòlta cun 'n óm più śōv'n ad lē 'd vint-siē an.

L'è mòrta a utànt'òt an par na palmunît e 'l sò còrp 'l è stâ cremâ.

Culegamènt estéran