Artéccol in dialètt mudnés

Al blèdegh (o blàdegh) l'è óna reaziòun dal còrp, brisa fata apòsta, ch'la vin fóra quand la vin tuchèda óna pèrt dal còrp d'ed còlp; la reaziòun ed chi al ciapa al blèdegh la vin fóra cun dal sgnassèdi e di movimèint involontàri.

Óna putèina la fà al blèdegh al sô fradlèin.

In dl'istèssa manéra, as stà ad indichèr, cun sta paròla chè, anch l'aziòun ed tuchèr quelchidùn al fin d'avér sta reaziòun chè (fèr al blèdegh a quelchidùn); a gh'in anch i mòd ed dir am 'n fà nianch al blèdegh, ch'as dis d'un quel ch'an s'impòrta brisa, e al fà al blèdegh al stivèl[1], ch'as dis d'un ch'al fà un lavór ch'an sèrev brisa.

Dal punt ed vésta dal còrp, al blèdegh al riguàrda i sèins e sepcialmèint al tat. Al blèdegh dal vòlti al dà di sensaziòun bèli, mo al pió dal vòlti i dan fastédi, sopratót se al vin fat per tròp tèimp.

Urégin dla paròla modifica

  La paròla blèdegh la vin dal tard latèin bliticus. [2]

Nòti modifica

  1. "A m'arcòrd - Dizionario enciclopedico del dialetto modenese", Sandro Bellei
  2. "Vocabolario Modenese-Italiano", Ernesto Maranesi, pag.71