Artécol in dialèt arzân

Al bōregh (borgo in italiân) l'é un cèinter abitê ed mèdia grandèsa un pô impurtânt, cun 'na cunuméia préma ed tót comercêla e cun 'na periferéia a carâter agrécol [1]. Ind i sècol pasê sté nòm l'ēra despès dê a i paèiş impurtânt ch'a gh'îven un marchê e a dal difèişi. Per còst al bōregh l'ēra diferèint dal vilâg.

Stôria dal nòm modifica

"Bōregh" l'é bèle druvê ind l' ûltem latèin burgus, int al léngui tudèschi burgs (gôtich baurgh e antîgh tedèsch burgh: sitê cun dal difèişi o castèl) [2] A 's pèinsa ânca che burgus al deşvègna dal grēch antîgh πύργος (pýrgos, tòra) che in tót al manēri l' é imparintê cun la parôla tudèsca [3]

Stôria modifica

Al bōregh int al Medioēv l'ēra fât da un gróp ed cà d' atōren a 'na piasa, ed sôlit còla ed la cēşa (Boregtêr, Orvieto e vìa acsé) o còla in dóv' a gh'ēra al cmûn (Gubbio). Dal vôlt a se şvilupêven al d' ed fōra da i cèinter pió grôs, insém al véi pió impurtânti che purtêve a stì cèinter. A nasîven di bōregh medioevêl préma ed tót d' atōrna a furtèsi militêri e castē per protèger i teritôri dal j invasiòun di bârber, cme i tânt bōregh ed la nôstra regiòun.

Al bōregh ind al sitê modifica

Cme bōregh a 's pōl intènder un quartēr fōra dal mûri ed 'na sitê o dèinter a dal mûri pió nōvi ed còli principêli.

Materiêl pr'andêregh in fònda modifica

(manca)Nôti de spiegasiòun ed la pâginaNôti in fònd a la paginaNote a piè di pagina:

  1. G.Devoto; G.C.Oli, Dizionario della lingua italiana, Firenze, Le Monnier, 1971. p. 306
  2. C.Battisti; G.Alessio, Dizionario etimologico italiano, Firenze, Barbera, 1950-57.II, p.1204
  3. Ernst Gamillscheg, Romania germanica – Sprach- und Siedlungsgeschichte der Germanen auf dem Boden des alten Römerreichs, Berlin, Walter de Gruyter, 1934. I, p. 35
(manca)E'v prén interesêr ânca st' al pâgini chéGuarder anchVedere anche:
Burghêda
Frasiòun
Paèiş
Véla
Vilâg

Nôta: cla pâgina ché l'é stêda inviêda cun 'na tradusiòun da Borgo trâta da it.wikipedia.org.
Guêrda la stôria ed la pâgina uriginêla per cgnòser l'elèinch 'd j autōr.