A Bug's Life - Megaminimondo

C'l artìcol chè 'l è scrit in Carpśàn Emiliàn

A Bug's Life
A Bug's Life - Megaminimondo

Soquànt furmighìn ch'i guèrden el sanpi 'd Hopper
Na Vìta 'd Pulghìn - Megaminimònd
1998
Scritōr: John Lasseter, Andrew Stanton
Joe Ranft
Regìa: John Lasseter
Senegiadùra: Andrew Stanton • Don McEnery
Bob Shaw
Personâǵ: Flik • Principèsa Atta
Regìna • Dot • Hopper
Mùśica: Randy Newman
Durèda dal cartòun: 93 minût
Lengua: Ingléś
Nasiòun/Paēś: Stêt Unî


«
Tùt in fila, śibî el brìśi, tùt a lughèr-es a 'l cuèrt!»


A Bug's Life - Megaminimondo (Na Vìta 'd Pulghìn - Megaminimònd) 'l è 'n cartòun animê americàṅ dal 1998 prodót dala Pixar Animation Studios e distribuî dala Walt Disney Pictures.

Sunt

Drē a finìr l'istê, da mêś a 'n grùp ed furmìghi a taca a gnìr-egh dl'agitasiòun perchè a s eśvèina al dè 'd paghèr al dasi 'd briśi e smèinsa da śibìr a 'l cavalèti vesadóri.
El furmìghi i gh'avrèven anc na só manéra urdnèda ed tōr sù el provìsti per 'l invèren, mo cal dasi lè p'r el cavalèti al li cùcia a lavurèr più dl urdinàri.
Al furmighèin Flik, un pò più stravagànt ed chièter, al strolga sèimper dagli invensiòun per pasiòun e in cal mèinter lè 'l iva anc pruvê a met'r in pē na machina ch'la catèva sù la smèinsa più in fuga che coi só śanpèt. Flik al n cata minga tant al beinvlēr dla comunitê, vō-'t perchè 'l è trôp estràmb, vō-'t perchè al n's adàta minga a lavurèr 'd fadìga come tùt chièter, mo però invéci al cata la sinpatìa edla principèsa Atta, che in na quèlc manéra al gh'pêr interesànt.
Al mumèint deciśìv ed śibìr al dasi a 'l cavalèti 'l è 'rivê mo... nò, Flik al gh'la chèva, coi śmanèś diśurdnê dal só trabìcol apèina invintê, a 'rbaltèr tùta la smèinsa catèda sù, śò in na posa 'd àqua lè atēś.
"Pusìbil ch'el furmìghi i n's àpien minga śibî al nost'r avér?!" Hopper, al cmandànt dal cavalèti 'l è furiōś ch'a n's'era mài vìst, col furmìghi. Tira e mòla descurènd pò ed responsabilitê e sighènd cun la Regìna che cla mancànsa chè la n's àpia più da ripéter, el cavalèti i lasen soquànt èter tèimp a 'l furmìghi ch'i gh'déven preparèr al dasi dòpi prìma dl avtùn. Gh'la cavaràn-i chilōr?!

Colegamèint estèren