Aerosmith: differenze tra le versioni

Contenuto cancellato Contenuto aggiunto
mNessun oggetto della modifica
m linkamèint
Riga 25:
I prim dū disc ('''Aerosmith''' dal 1973 e '''Get Your Wings''' dal 1974) i n véndan minga dimóndi anc s'i gh'aṅ dèntar di braṅ dvintâ pò di clàsic dal grup cuma '''Dream On''', '''Mama Kin''', '''Same Old Song and Dance''', '''Seasons of Wither''' e la còver di [[Tiny Bradshaw]] '''Train Kept A-Rollin’'''.
 
Al grup al fà invéci sènt'r a livèl cumerciàl in dal 1975 cun al tèrs lavōr in studi, '''Toys in the Attic''' (''Śugàtui in dal [[tasèl mòrt]]''), ch'al vénd òt migliòṅ ad còpi rivànd a 'l undicéśum pòst dla clasìfica americàna. I sìngui i èṅ '''Walk This Way''', '''Sweet Emotion''' e '''You See Me Crying'''. In dal 1976 al grup al scriv n'atra paǵna impurtànta dla stòria dla mùśica ''hard rock'' faghénd catàr in di negòsi '''Rocks''' (quàtar disc ad plàtin e tèrs pòst in dla [[Billboard]]). In dla disc i s càtan di braṅ impurtànt cuma i sìngui '''Home Tonight''', '''Last Child''' e '''Back in the Saddle''' ma anc '''Rats in the Cellar''' e '''Nobody's Fault'''.
 
Dòp na ''tournée'' in di stadi americàṅ, in dal 1977 l'è la vòlta ad '''Draw the Line''', tri migliòṅ ad pès vindû. [[Steven Tyler]] e [[Joe Perry]] i s bèc'n al [[scutmàj]] ad "The Toxic Twins" (''I śmèj tòsic''). Dòp al tour prumusiunàl, al grup al rigìstra al sò prim disc da 'l viṿ, '''Live! Bootleg''', ma i tàc'n anc i prubléma cun ''Perry'' ch'al s litga cun chi àtar e al mòla 'l grup durànt al registrasiòṅ dal sèst àlbum in studi, '''Night in the Ruts'''. Par finìr cal lavōr lè, gl’''Aerosmith'' i tōśan sèg al chitarìsta [[Jimmy Crespo]] méntar [[Richard Supa]] al la sòna in di braṅ '''Mia''' e '''No Surprize'''. P'r al grup i èṅ drē a rivàr di brut mumènt.