Trauma: differenze tra le versioni

|Regia=[[Dario Argento]]

|Scritùr=Dario Argento • Franco Ferrini<br>Gianni Romoli • T.E.D. Klein

|Müsica=[[Pino Donaggio]]

|Dürä dal film=105

|Nasiòun/Paèiş=[[Stat Unî]] • [[Itàglia]]

}}

Na sira, durànt na riugnòṅ ad soquànti parsòni in na nòt ad timpèsta, tut 'd intóran a na tavla par dascórar cun i spìrit, a par che l’''Adriana'' la vaga in cuntàt cun l'anma dla duturésa cupàda da 'l ''killer'' ch'la gh diś ch'i gh'aṅ tajâ via la tèsta e ch'la n sarà gnanc 'l ultma a patìr cla scarésa lè, anc parchè al masadōr 'l è lè fra lōr. In mèś a cal masèl lè, tut i scàpan via, cun i dū ''Petrescu'' ch'i vànan in un bòsc lè davśèṅ. ''Stefàno'' al véd tut 'd un cólp al cadàvar dla mujér lè par tèra ma pò 'l è al sò tùran parchè al manìac 'l è pròpria lè e al dróa incóra al sò machinàri par tiràr-ag via la tèsta. La riva anc l’''Aura'' ma la fà sōl in tèmp a védar na figùra ch'la và via, cun al grugn quàciâ da 'l tèsti di sò genitōr. A 'l arìṿ dla pulisìa, la śóvna la scapa via parchè la n vōl mia turnàr in dla clìnica dal ''Dr. Judd'' ([[Frederic Forrest]]), vèć amànt ad sò màdar, e la dmanda ajùt a ''David'' ch'al la tōś a cà sua. La sò muróśa ''Grace'' ([[Laura Johnson]]) però la n è briśa cuntènta ad cal fat lè e la fà in manéra ch'i végnan a purtàr-la via, faghénd la spìa. ''David'', ch'al s éra inamurâ dla ruména, al la tōś mâl e al la mòla.

 

 

''David'' al và in clìnica par tōr indrē l’''Aura'' pròpria mént'r al killer al taja la tèsta a n'infarméra, la ''Hilda Volkman'' ([[Sharon Barr]]), ch'la lauràva lè. I dū śóvan, scapâ via cun al ciàṿ dla dóna cupàda, i vèran na sò caséta ad depòśit e lè i càtan na foto vècia in du i éran tòlt śò lē e la ''Jackson'' insém a 'n dutōr e soquànti atri infarméri. A n pōl mia ès'r un caś che dū ad chi persunàǵ lè i àppian pardû la tèsta in dal gir ad pôc tèmp. ''David'' al decìd acsè 'd andàr a catàr 'n atra infarméra dla foto, la ''Linda Quirk'' ([[Hope Alexander-Willis]]). Chi lē, ch'la sà al parchè ad tut chi masamènt lè, la próa a lugàr-as in un hotel ma al ''killer'', scultànd na sò telefunàda a l'amànta ''Alice'' ([[Jacqui Kim]]), al la pésca listés e al la masa in na manéra cumpàgna a chi atri. Prima ad murìr, cun la tèsta dastacàda, la fà sōl in tèmp a numinàr a ''David'' al nóm ad ''Lloyd'' ([[Brad Dourif]]), al dutōr dla foto, ùltim ad qvi lè incóra viṿ. ''Parsons'' al al cata ardùt in ruìna e custrét a dar via dla dròga par scampàr, a n psénd piò far al dutōr p'r un fat sucès in dal pasâ, ma chi lò al n in vōl savér ad dascórar sèg. Subìt dòp al manìac al và a cà sua e 'l al masa, ma minga cun al sòlit aparéć, ch'al sa śbraga gnénd a cuntàt cun la cadnìna che 'l óm al purtàva a 'l còl, ma druànd 'n asinsōr al sò pòst par dastacàr-ag la tèsta listés.

 

== Culegamènt estéran ==

* {{it}} [http://www.filmtv.it/film/9751/trauma/ La schéda dal film in sal ''FilmTV'']

* {{it}} [http://www.siti.chiesacattolica.it/pls/siti/datafilm_cnvf.dati_film?c_doc=530&origine=0 La schéda dal film in sal sit dla ''Cunferénsa Episcupàla'']