Madison Brengle: differenze tra le versioni
Creata pagina con "{{Metacaixa |id=0 |color= |bt1=Miranduléś |bticona1=16px |ps1= __NOTOC__ {{dialort | dial=Miranduléś}} File:Madison Brengle.jpg|290px|th..." |
(Nessuna differenza)
|
Versione delle 02:12, 17 Śnêr 2015
|
C'l artìcul chè 'l è scrit in
Miranduléś |
La Madison Brengle (Dover, 3 'd Avrìl dal 1990) l'è na tenìsta americàna. L'è élta 163 cm e la péśa 60 chilo. La dróa al bras dèstar e la tira 'l arvèrs, al cōlp ch'a gh piàś da piò, a dū maṅ.
In dla sò caréra l'è rivàda a èsar la nùmar ssanta-quàtar dal mónd in dal Śnar dal 2015. L'à vins sèt turnèo ITF.
Caréra
In dal 2007 la Brengle la riva in finàł in dū ITF americàṅ da vintsìnc-mila dòlar baténd in d'l an anc dal śugadōri cuma l'Ekaterina Makarova o la Flavia Pennetta a Los Angeles. 'L an dòp la riva in semifinàł in d'l ITF da sinquànta-mila dòlar ad Las Vegas baténd la Sesil Karatančeva, l'Yvonne Meusburger e la Stéphanie Cohen-Aloro prima 'd cédar a l'Asia Muhammad par 3-6 5-7. In Maǵ la śōga a 'l Roland Garros cun na carta salvàdga ma la pèrd subìt da la Bethanie Mattek-Sands. In dal 2009 in di turnèo WTA la pasa 'l qualificasiòṅ sōl a Charleston ma la và fóra subìt cun l'Anastasija Rodionova. In dal 2010, fra élt e bas, la riva in finàł in d'l ITF ad Boston pardénd cun la Jamie Hampton par 2-6 1-6.
In dal 2011 la pèrd 'n ITF da vintsìnc-mila dòlar cun la Michelle Larcher De Brito ma l'in vins òṅ in Mars cun la Stéphanie Foretz Gacon. In Luj la s qualìfica p'r al turnèo WTA ad Washington baténd la Beatrice Capra ma pò la và fóra in di utàṿ cun la Tamira Paszek. In Agóst la bat l'Elena Bovina in dal Bronx e la riva in di quàrt in dua la patìs un 6-3 6-7 3-6 da la Camila Giorgi. L'americàna la pèrd àtar sinc incónt'r ad fila prima ad rivàr in di quàrt in d'l ITF ad Kansas City (6-4 3-6 3-6 da la Jamie Hampton). La sèra 'l an da nùmar 192 dal mónd.