Wikipedia

Rosemary's Baby - Nastro rosso a New York: differenze tra le versioni

Naviga nella cronologia in modo interattivo
← Differenza precedenteDifferenza successiva →
Contenuto cancellato Contenuto aggiunto
VisualeWikitesto
Nessun oggetto della modifica
mNessun oggetto della modifica
Riga 32:
== Sunt ==
 
''Guy Woodhouse'' ([[John Cassavetes]]) e sò mujér ''Rosemary'' ([[Mia Farrow]]) i èṅ na còpia śōvna ch'la pésca cà a [[New York]]. Lò al fà 'l atōr a teàtar e na quàlc reclàm, lē invéci l'à péna tòlt al diplòma. I càtan 'n apartamènt grand in un palàs elegànt in dua i gh stanstaṅ sōl di vèć cuma i vśèṅ ''Roman'' ([[Sidney Blackmer]]) e la ''Minnie Castevet'' ([[Ruth Gordon]]). Chi lōr dū i faṅ subìt amicìsia c'n i dū śpóś e i gh śibìs'n ad pasàr na sira a séna da lōr. 'L è sōl 'l inìsi parchè pò i càtan sèmpar dal scuśi par far-as vèrar 'l us o p'r invidàr-i incóra a magnàr a cà sua. Un dè la ''Minnie'' la rigàla a la ''Rosemary'' na cadnìna cun na bucìna impinìda 'd èrbi che lē la diś ch'i pòrtan bòṅ.
 
In chi dè lè la caréra ad ''Guy'' la ciàpa 'l vōl parchè 'l atōr ch'al gh'iva fargâ na part impurtànta 'l armàgn òrub e acsè qvi là i sarnìs lò a 'l sò pòst. ''Guy'', cuntènt dimóndi, al fà savér a sò mujér ch'al vōl avér un putèṅ sèg e 'l à anc decìś quànd, i gh'àṅ da far-al a la fiṅ ad Setémbar. Quànd tut 'l è prònt p'r andàr a lèt a far 'l amōr, dòp na séna a 'l luśōr dal candéli, a sòna 'l campanèl: l'è la ''Minnie'' ch'l'à preparâ un dōls par l'ucaśiòṅ. Dòp che la ragàsa la 'l à magnâ, anc s'al gh fava schiva, la gh'à 'n mancamènt e sò marè al la mét a punsàr a lèt. Durànt la nòt la ''Rosemary'' la gh'à di arbgàt, cun lē misa in mèś a 'n saba infernàł.
Estratto da "https://eml.wikipedia.org/wiki/Rosemary%27s_Baby_-_Nastro_rosso_a_New_York"