Crash: differenze tra le versioni

Contenuto cancellato Contenuto aggiunto
mNessun oggetto della modifica
mNessun oggetto della modifica
Riga 32:
Al prudutōr ad film publisitàri ''James Ballard'' ([[James Spader]]) 'l è spuśâ cun la ''Catherine'' ([[Deborah Unger]]) ma a livèl sesuàl al ròbi fra i dū i vànan mâl tant ch'i s faṅ da spés di còran. Un dè ''James'', dòp avér patî 'n incidènt stradàl, al vèṅ purtâ a 'l uśdàl frî dimóndi e cun i òs tut śbragâ. Da na banda dal lèt a gh tîṅ a drē sò mujér. In d'l incidènt 'l éra mòrt al marè dla dutōra ''Helen Remington'' ([[Holly Hunter]]) ch'la s fà dimóndi mâl anca lē ma la la scampa. I dū i s védan pò in dal curidōr dal repàrt quànd i próan a far i prim pas, cun lē ch'la gh'à sèg un siensiâ, ''Vaughan'' ([[Elias Koteas]]), ch'al s pasa 'l tèmp faghénd dal foto ma anc miténd in at di incidènt in màchina cuma qvéi di persunàǵ famóś cuma [[James Dean]] e [[Jayne Mansfield]], arfàt cuma [[Dio]] al cmanda.
 
La dasgràsia la càmbia la vita ad ''James'' ch'al taca a ligàr al pinsēr dal piaśēr sesuàl c'n al risć ad far di buć cun la màchina e ad murìr in autostràda. Al véd che anc chi àtar i la pénsan cumpàgn e lò al taca a ciulàr-as l’''Helen'', méntar a sò vòlta ''Vaughan'' al s fà sò mujér. A s śònta in dal grup anc na dóna armàśa sòpa dòp 'n incidènt e ch'l'è custréta a giràr cun di gambài ad mètal, la ''Gabrielle'' ([[Rosanna Arquette]]). Sōl vdénd dal màchini, dal metàl, di [[Ṉisoun|nis]], di taj, di śbrag, dal fridi e di castròṅ in sla carna chi lōr i pōlan tiràr fóra al malnét ch'i gh'ànan dèntar e i n capìsan più gnint. Dal siri i s càt'n anc par guardàr dal caséti vìddeo in televiśiòṅ in dua i faṅ védar di incidènt, cuma s'i fùsan di filmâ pòran.
 
Un dè pò ''Vaughan'' al mōr dabòṅ tgnénd a drē a 'l sò visi malâ.