Kirsten Flipkens: differenze tra le versioni
Contenuto cancellato Contenuto aggiunto
mNessun oggetto della modifica |
mNessun oggetto della modifica |
||
Riga 38:
In dal 2012 la tórna a śugàr in dal sircùit [[ITF]]. In Favràr la pèrd dū finàli a [[Rabat]] e a [[Måssca|Mósca]]. In d'l Avrìl dal 2012 i dutōr i gh càtan di magalòt in dal sangṿ dla pólpa dla gamba e l'è custréta a mulàr al sò mistēr par dū méś finénd acsè a èsar sōl la nùmar 262 dla clasìfica. Pasànd p'r al qualificasiòṅ, la riva a śugàr in dal tablòṅ prinsipàl a [['S-Hertogenbosch]], turnèo in dua l'è bòna ad bàtar la [[Samantha Stosur]] a 'l prim tùran par 7-6 6-3 e la [[Roberta Vinci]] in di quàrt par 6-4 7-6. In semifinàl la pèrd incóra da la [[Nadia Petrova]] par 4-6 2-6. In Luj la sćiànca par 6-1 6-0 l'[[Aravane Rezaï]] in dla finàl d'l [[ITF]] ad [[Midelbûrg]]. La s pòrta a cà a la fiṅ dal méś anc 'l [[ITF]] ad [[Rebecq]]. A gl'[[US Open]] la vins quàtar partìdi (dū in di tùran preliminâr) prima ad cédar a la [[Viktoryja Azaranka]] (nùmar òṅ dal mónd) par 2-6 2-6. Al 16 ad Setémbar dal 2012 la vins la finàl in sal dûr ad [[Quebec City]] cóntar la [[Lucie Hradecká]] par 6–1 7–5 (prima l'iva batû, fra gl'atri, la [[Dominika Cibulková]] e la [[Mona Barthel]]). A [[Linz]] la cuntìnua la sò strada par muntàr sù in clasìfica, tacànd da 'l qualificasiòṅ in dua la bat la [[Karin Knapp]], la [[Vera Duševina]] e la [[Jana Čepelová]]. In séguit la manda a cà anc l'[[Alizé Cornet]] par 6-4 6-3, l'americàna [[Mallory Burdette]] par 4-6 6-1 7-5 e l'[[Ana Ivanović]] par 6-4 6-0. La pèrd pò in semifinàl cun la [[Julia Görges]] par 6-1 2-6 3-6. La sèra la sò stagiòṅ in [[Lussembûrg]] dand la paga a la [[Sabine Lisicki]] 3-6 6-3 6-1 prima ad patìr lē un 4-6 6-4 2-6 da la [[Daniela Hantuchová]].
In dal 2013 la part subìt a la granda cun i quàrt a [[Auckland]] (3-6 4-6 da la [[Yanina Wickmayer]]) e la semifinàl a [[Hobart]] (4-6 4-6 da la [[Mona Barthel]]). La riva pò in di utàṿ a gl'[[Australian Open]] (pardénd cóntar la [[Marija Šarapova]] par 1-6 0-6) e in di quàrt a [[Memphis]] (7-6 5-7 3-6 da la [[Magdaléna Rybáriková]]). A [[Indian Wells]] la fà sudàr dimóndi la [[Viktoryja Azaranka]] a 'l tèrs tùran, purtànd-la a 'l tèrs sét, ma pò la céd sèg par 3-6 6-3 6-0. A [[Miami]] la riva in di quàrt pardénd in na partìda tiràda da l'[[Agnieszka Radwańska]] 6-4 4-6 2-6. La bélga la s pōl cunsulàr almànc cun la vìnsita a 'l secónd tùran cun la [[Petra Kvitová]] par 6-0 4-6 6-1. A [[Madrid]] la bat la [[Mona Barthel]] par 6-4 6-1 e la pèrd da la [[Jaroslava Švedova]] par 2-6 6-4 4-6. In cà sua a [[Bruxelles]] la riva incóra a 'l secónd tùran pardénd però da la [[Jamie Hampton]] par 4-6 6-3 5-7, in na partìda in dua l'éra avànti 5-2 e servìsi in dal tèrs sét e pò cun un ''match point'' butâ a gl'urtìghi cun un fal dópi in sal 5-4 par lē. A 'l [[Roland Garros]] la gh và bèṅ cun la [[Flavia Pennetta]] (2-6 6-4 6-0 al puntéǵ dal prim tùran) e mâl cun cl'atra itagliàna, la [[Francesca Schiavone]], ch'la la bat par 6-1 4-6 6-3. A [['S-Hertogenbosch]] la fà fóra subìt la milanéśa e la riva pò in finàl in dua la pèrd par 4-6 2-6 da la [[Simona Halep]]. In Śugn la bélga la tōś part a 'l turnèo ad [[Wimbledon]] cuma tèsta ad série nùmar vint. A 'l prim tùran la fà fóra la ghignóśa [[Julija Putinceva]] par 7-5 6-4 e pò la và avànti incóra mandànd a cà la [[Bojana Jovanovski]] par 6-4 6-4, la [[Vesna Dolonc]] par 6-4 6-2 e la [[Flavia Pennetta]] in di utàṿ par 7-6 6-3, cun l'itagliàna ch'l'iva sarvî par dū vòlti par purtàr-'s a cà al prim sét. In di quàrt la ''Flipkens'' la bat la [[Petra Kvitová]] par 4-6 6-3 6-4 e par la prima vòlta in caréra la riva in na semifinàl 'd un [[Gran Slam]] in dua però la n pōl far gnint cun la francéśa [[Marion Bartoli]] ch'la gh'à la méj sèg par 6-1 6-2.
== Culegamènt estéran ==
| |||