Varvara Lepchenko: differenze tra le versioni
Creata pagina con "{{Metacaixa |id=0 |color= |bt1=Miranduléś |bticona1=16px |ps1= __NOTOC__ {{dialort | dial=Miranduléś}} File:Varvara_Lepchenko_at_the_201..." |
(Nessuna differenza)
|
Versione delle 22:47, 9 Mâg 2013
C'l artìcul chè 'l è scrit in Miranduléś |
La Varvara Petrovna Lepchenko (Taškent, 21 ad Maǵ dal 1986) l'è na tenìsta uśbéca dvintàda americàna in dal 2007. L'è élta 180 cm e la péśa 72 chilo.
Varvara l'è stada la nùmar daśnóṿ dal mónd al prim 'd Utóbar dal 2012 e la śōga da prufesiunìsta da 'l 2001.
In dla sò caréra l'à vins 11 tìtui ITF.
Caréra
La Lepchenko la s fà strada par la prima vòlta in un turnèo WTA in dal 2005 a Los Angeles pasànd p'r al qualificasiòṅ e rivànd a 'l tèrs tùran baténd dū pardénti furtunàdi, la Galina Voskoboeva e la Silvija Talaja. La céd pò a la Francesca Schiavone par 3-6 6-2 3-6. 'L an dòp la pasa 'n tùran a Cincinnati (pardénd pò da la Vera Zvonarëva 0-6 2-6) e dū a gl'US Open in dua la vèṅ spasàda via da la Marion Bartoli par 1-6 2-6.
In dal 2007 la próa a qualificàr-as in di turnèo di Stat Unî ad Mars e Avrìl. La taca a Indian Wells in dua la bèca incóra la Galina a 'l secónd tùran ma la Voskoboeva la la bat par 7-6 5-7 7-6. A Miami la i pasa ma pò la pèrd a 'l prim tùran da la Jelena Kostanić Tošić par 3-6 3-6. A Amelia Island la cata la strada stópa a difarénsa ad Charleston in dua la riva in dal tablòṅ prinsipàl par pò pèrdar subìt da la Nicole Pratt par 6-2 2-6 2-6. In Maǵ la pèrd a 'l secónd tùran a Straśbûrg da la nùmar sinc dal mónd Amélie Mauresmo par 4-6 1-6. A Wimbledon la patìs subìt un 2-6 2-6 da la Sybille Bammer. In Agóst la bat in dal qualificasiòṅ ad Turònt l'Angelique Kerber 1-6 6-0 6-0 ma a 'l prim tùran la cata la Lucie Šafářová ch'la la manda a cà pigànd-la par 6-4 6-7 6-1.
In dal 2008 la fà suo 'l ITF ad Dothan faghénd fóra la Chanelle Scheepers in di quàrt, la Samantha Stosur in semifinàl e la Bethanie Mattek-Sands in finàl (6-2 7-6 al puntéǵ).