Novecento: differenze tra le versioni

Contenuto cancellato Contenuto aggiunto
Nessun oggetto della modifica
mNessun oggetto della modifica
Riga 33:
== Sunt ==
 
In dal dè dla mòrt ad [[Giuseppe Verdi]] (27 ad Śnar dal 1901), in dal pudēr dal vèć padròṅ ''Berlinghieri'' ([[Burt Lancaster]]) ch'al gh'à in dal Parmśàṅ, i nàsan al sò anvō ''Alfredo'' ([[Paolo Pavesi]] e [[Robert De Niro]]), ch'al pòrta al nóm cumpàgn dal suo, e ''Olmo Dalcò'' ([[Roberto Maccanti]] e [[Gérard Depardieu]]), fiōl dla ''Rosina'' ([[Maria Monti]]), na cuntadìna ch'la lavóra in dla sò tèra e ch'la 'l à abû da 'n óm ch'a n s sà briśa ch'i 'l sia. Al pàdar dal pìcul ''Alfredo'', ''Giovanni'' ([[Romolo Valli]]) al vōl tōr lò incòsa quànd sò pàdar al murirà, lasànd al briśi a 'l sò fradèl più grand ''Ottavio'' ([[Werner Bruhns]]). Al nunòṅ ''Berlinghieri'' al gh'à na surèla ch'la fà la sōra, ''Desolata'' ([[Francesca Bertini]]), ch'l'è gnuda a star da lò parchè la s è róta ad starvìvar in cunvènt.
 
Da baghét ''Olmo'', cun al sò caràtar arvèrs e sèmpar prònt a dir dal parulàsi, al dvénta amìg 'd ''Alfredo'' anc se chi lò al fà part dla famìja di padròṅ. Qvést chè pò al gh'à anc un bèl rapòrt cun sò nunòṅ, ch'al gh inséggna a druàr al sćiòp, e minga tant cun sò pàdar ch'al pénsa sōl a i bèsi. Un dè al vèć ''Berlinghieri'' al decìd ad tōr-'s la vita, impicànd-as in na stala cun dal cadéni in mèś a 'l sò vachi, quànd vilî al s rénd cònt 'd n èsar più bòṅ a far quél ch'al fava na vòlta: al fà fadìga a giràr, a dar di órdan a i sò cuntadèṅ, a tgirtgnir-'s in a mènt al ròbi e p'r avér al mâl dal lumàghi adòs. ''Giovanni'' al s in prufìta faghénd butàr śò lè par lè un testamènt a 'l nudàr ch'al gh lasa incòsa a lò e sōl un vitalìsi ad 5.000 franc a 'l méś a sò fradèl.
 
== Culegamènt estéran ==