Korn: differenze tra le versioni
Contenuto cancellato Contenuto aggiunto
Mimco Facebook |
m Annullate le modifiche di 88.190.21.186 (discussione), riportata alla versione precedente di Mirandolese |
||
Riga 1:
{{Metacaixa
|id=0
|color=
|bt1=Miranduléś
|bticona1=[[File:Mirandola-stemma.gif|16px]]
|ps1=
__NOTOC__
{{dialort | dial=Miranduléś}}
{{CITAZIONE2|Sometimes I cannot take this place, sometimes it's my life I can't taste, sometimes I cannot feel my face, you'll never see me fall from grace. Something takes a part of me, you and I were meant to be a cheap fuck for me to lay.|Dal vòlti a n gh la cav minga a tōr mèg cal pòst chè, dal vòlti l'è la vita ch'a n gh la cav briśa a gustàr-um, dal vòlti a m è impusìbil sintìr-um adòs la fàcia, ta n vadrà mai ch'a pèrd la gràsia. A gh'è quèl ch'al s tōś na part ad mè, nuàtar dū a séran distinâ ad èsar na ciulàda da pòc ch'a sòṅ custrét a far.|'''Freak On A Leash''', ''1999''|DIALETTO={{Mud}}|LINGUA={{En}}}}
I '''Korn''' i èṅ un grup califurgnàṅ mis in pē a [[Bakersfield]] in dal 1993, fundadōr insém a i [[Deftones]] dal gènar [[nu metal]], in dua al bas a vèṅ sèmpar sparâ a mila. In sal cupertìni di sò disc e in di materiài prumusiunài al nóm dal grup 'l è ripurtâ sèmpar cun la ''R'' arbaltàda ad '''KoЯn'''.
In dal sò caréra i aṅ vindû da piò ad 30 migliòṅ ad disc, 17 migliòṅ in di sōi [[Stat Unî]].
[[File:Korn_2009.jpg|580px|thumb|right|Al grup di Korn, da la banda sinìstra: Ray, John, Fieldy e Munky cun na mascra adòs]]
== Biugrafìa ==
[[File:Korn_Logo_Black_PNG.png|200px|thumb|left|Al logo cun la R arbaltàda di KoЯn]]
=== Gl'inìsi ===
[[James Shaffer]], [[Reginald Arvizu]] e [[David Silveria]] i aṅ tacâ a sunàr a la fiṅ di an Utànta, insém a 'l cantànt ''Richard Morrill'', in un grup ciamâ '''L.A.P.D.''' (acrònim ad '''Los Angeles Police Department''' ch'a vōl dir ''Dipartimènt ad pulisìa ad Los Angeles'' ma par lōr subìt al vliva dir invéci '''Love and Peace Dud''', ''Amōr e paś umàsa'' e pò '''Laughing as People Die''', ''Ridénd mèntar la gint la mōr'') mèntar [[Brian Welch]] 'l éra armàst sèg sōl in soquànt cuncèrt.
Par la ''Triple X Records'' i regìstran 'l EP umònim e pò 'l àlbum '''Who's Laughing Now''' in dal 1991 ma 'l an dòp al cantànt, ch'al druàva dal dròghi, al i mòla. In dal 1994 i quàtar i cgnósan a 'n bar [[Jonathan Davis]], cantànt di '''SexArt''', e ''Shaffer'' e ''Welch'' i decìdan bvénd che chi lò al gh'arà da èsar al ''vocalist'' nóṿ dal grup.
Subìt al cantànt 'l éra persuàś ad dir ad no ma pò un sò amìg ch'al vdiva al futùr al gh fà cambiàr idéa. Cun ''Davis'' dèntar, i ''L.A.P.D.'' i decìdan ad cambiàr nóm, prima i sarnìsan '''Creep''' e pò '''Korn'''. Cal nóm chè al gh'éra stâ dit p'r un ''fan'' che 'l i vliva ciamàr ''Corn'' (''Gran''). A 'l inìsi al grup al n éra briśa dl'idéa ma pò, a n cavànd-gh-la minga a catàr di àtar nóm, i al tōś. In séguit, ''Shaffer'' al s invènta ad cambiàr la "C" cun na "K" e ad prilàr la "R" in "Я", faghénd dvintàr al nóm "KoЯn". Al logo invéci 'l è na pinsàda ad ''Jonathan Davis''.
A [[Huntington Beach]] i tàcan al sesiòṅ cun ''Davis'' che, cun un micròfun da dū sòld, al próa la prima canta, '''Alive''' (al vìddeo dla registrasiòṅ al s vadrà pò in dal 1997 in dla caséta ad ''Who Then Now?'').
In dal 1993 i pùblican al demo ad '''Neidermeyer's Mind''' cun dèntar i pès '''Predictable''', '''Blind''', '''Daddy''' e '''Alive'''. Un bcóṅ dal ''riff'' ad cla canta chè al sarà pò druâ in dal braṅ '''Need To''' che, insém a i àtar tri, i faràṅ part dal prim disc dal grup. Invéci ''Alive'' la sarà pò arfàta ad nóṿ soquànt an dòp, finénd in dal disc dal 2003 ''Take a Look in the Mirror''.
=== Korn ===
[[File:Korn_band.JPG|270px|thumb|left|Al cantànt di KoЯn Jonathan Davis]]
In dal 1994 i Korn i faṅ catàr in di negòsi al lōr prim disc, ch'al pòrta al sò nóm e ch'l è stâ prudót par [[Ross Robinson]] dl' [[Epic Records]], cunsiderâ al prim lavōr ''nu metal'' ad sèmpar. I sìngui tirâ fóra dal disc i èṅ '''Shoots and Ladders''' (braṅ cun dal curnamùśi a 'l inìsi e numinâ a i [[Grammy]] cuma ''Best Metal Performance''), '''Clown''' e '''Blind'''.
In dal canti a vèṅ druàda, par la prima vòlta par la mùśica ''heavy metal'', la tècnica dal [[scatting]] (in dal braṅ '''Ball Tongue''') ch'la daśvèṅ da 'l [[jazz]] e ch'la cunsìst in dal bacajàr in présia soquànti paròli sénsa séns una a drē a cl'atra sōl par dar-gh al ritm e la meludìa. I tèst, scrit par [[Jonathan Davis]], i dascóran dla sò vita e i èṅ dimóndi dûr e pîṅ ad parulàsi (cuma in dal braṅ '''Faget''', ''Fnòć''), anc parchè chi lò da pìcul 'l à patî dal bòti e di suprùś. In particulàr, in dla canta '''Daddy''', ''Davis'' al cònta ch'l è stâ viulentâ quànd 'l éra un putèṅ, da 'n amìg ad famìja, òṅ ch'al vivìva davśèṅ da lò.
Par dar 'n apòǵ a 'l disc, ch'l à vindû 4 migliòṅ ad còpi in tut al mónd, i ''Korn'' i tàcan un ''tour'' ad 'n an e mèś.
Fra Mars e Avrìl dal 1995, i vaṅ in gir a sunàr insém a i [[Danzig]] e a [[Marilyn Manson]]. In Agóst i s śibìsan cun [[Megadeth]], [[Fear Factory]] e [[Flotsam and Jetsam]] e pò in Aftòṅ cun [[Ozzy Osbourne]], [[Deftones]], [[Sugar Ray]] e [[Cradle of Thorns]].
{{CITAZIONE2|Little child, looking so pretty, come out and play, I'll be your daddy, innocent child, looking so sweet, a rape in my eyes and on your flesh I'll eat, you've raped! I feel dirty, it hurt! As a child, tied down! That's a good boy and fucked! Your own child, I scream, no one hears me, it hurt! I'm not a liar.|Putèṅ at sē acsè bèl, vîṅ fóra e śóga, a sarò al tò papà, putèṅ a mód, at sē acsè dóls, na viulénsa in di mè òć e a magnarò in sla tò carna, at sē stâ viulentâ! A m sènt un malnét, al m fà mâl! Cuma 'n putèṅ, ligâ par tèra! Acsè 'l è un brav baghét e futû! Pròpria al tò putèṅ, mè a sig e ninsòṅ a m sènt, al m fà mâl! A n sòṅ mia un buśiàrd.|'''Daddy''', ''1994''|DIALETTO={{Mud}}|LINGUA={{En}}}}
=== Life Is Peachy ===
[[File:Korn_03362006_Milwaukee.jpg|300px|thumb|right|Al baterìsta David Silveria]]
In d'l Utóbar dal 1996 al grup al pùblica al sò secónd lavōr in studi, '''Life Is Peachy''' (''La vita l'è tòga''), un disc ch'al s piàsa drit a 'l tèrs pòst in di [[Stat Unî]], anc séns avér i cuć dal ràddio, dal televiśiòṅ e di giurnài, anc parchè al canti i èṅ pini stópi ad parulàsi (specialmènt al braṅ '''K@#0%!''' ch'al gh'i à dèntar tuti una a drē a cl'atra, anc quéli più malnéti ch'a sa gh sia) e cun di tèst dimóndi dûr ('''Swallow'''). I sìngui tirâ fóra i èṅ tri: '''No Place to Hide''', '''A.D.I.D.A.S.''' (òṅ di sò braṅ più famóś, ch'al n dascór briśa, cuma a s prés crédar, dal scarpi americàni, ma dal sès parchè 'l è 'l acrònim ad ''All Day I Dream About Sex'', ''Tut i dè a sógn al sès'') e '''Good God''' (gnû fóra in dal 1997, cun ''Davis'' ch'al dróa la sò vóś cuma s'al gh'is al diav'l adòs). In dla cansòṅ '''Wicked''' (cover 'd [[Ice Cube]]) ''Davis'' al fà un duét cun [[Chino Moreno]], cantànt di [[Deftones]], mèntar la canta '''Chi''' la tōś al nóm pròpria dal basìsta ad cal grup lè, [[Chi Cheng]].
{{CITAZIONE2|It came unknown to me, paranoid, it's controlling all of me, somehow, terror so pure, right now, shit I'm yours. My sorrow, I swallow, follow me, oh hell, no. Was it me? I swallow, forget me, I don't know.|'L è rivâ dascgnusû, paranòic, al m tîṅ dal tut sóta cuntròl, in na quàlc manéra, scarésa a mila, pròpria adès, mèrda a sòṅ tuo. Al mè dulōr, a mand śò, vîṅ mèg, 'd un diàvul, no. Sòṅ-j-a stâ mè? A mand śò, daśmént-at ad mè, a n al sò minga.|'''Swallow''', ''1996''|DIALETTO={{Mud}}|LINGUA={{En}}}}
La b-side '''Proud''' l'è stada druàda dènt'r al film ad scarésa [[So cosa hai fatto]] (''A 'l sò quél ch't à cumbinâ'') dal 1997.
''Life Is Peachy'' 'l è stâ numinâ a i [[Grammy]] cuma "Best Metal Performance", par la canta ''No Place To Hide'' e 'l à vindû quàtar migliòṅ ad còpi in dal mónd (dū in dal sò paéś), ciapànd dū disc ad plàtin.
I ''Korn'' i 'l àṅ sunâ pò dal viṿ durànt un ''tour'' in gir cun i [[Metallica]] e anc in dla réda [[Internet]], òṅ di prim grup a far-al.
A la fiṅ dal 1997 al grup al dà vita a la [[Elementree Records]] faghénd firmàr sèg subìt al grup di [[Orgy]].
=== Follow the Leader ===
[[File:Korn_03342006_Milwaukee.jpg|195px|thumb|right|James "Munky" Shaffer]]
Prima ch'a gnis fóra al sò tèrs àlbum, i ''Korn'' i s faṅ védar par na stmana in un spetàcul ciamâ ''KornTV'' traśmìs sōl via intèrnet ch'al fava védar i lavōr ad prudusiòṅ ch'i éran drē a far. Fra i òspit dla prugràma a s arcòrda 'l atōr ad film purcùs [[Ron Jeremy]] e al grup di [[Limp Bizkit]].
Al 18 'd Agóst dal 1998 al disc '''Follow the Leader''' al vèṅ vindû finalmènt in di negòsi. I gh'aṅ dâ na maṅ al ''rapper'' [[Ice Cube]] (ch'al canta insém a ''Davis'' in dal braṅ '''Children Of The Korn''', un tìtul ch'al fà gnir in mènt al film da scarésa '''Furmintòṅ Rós Sangṿ''', cuntâ par [[Stephen King]]), [[Tre Hardson]] di [[Pharcyde]] e [[Fred Durst]] di [[Limp Bizkit]] mèntar la cupertìna dal disc, ch'la véd na putìna śugàr a la campanèla in sal pic dna muntàgna andànd in a risć ad cascàr śò e spaplàr-'s a tèra, l'è un lavōr ad [[Greg Capullo]], diśegnadōr ad fumét americaṅ cuma [[Quasar]], [[Spawn]] e [[X-Force]].
{{CITAZIONE2|Bring your boys to the party, we can double up, double rowdy, double bout it, hardcore teenager fuckin' bitches major, catch me if you can, fuck the law with my dick in my hand, we're comin' strong, generation triple X, we're all about the weed smoke and the kinky sex. And the children are born, insanity! You picked on me! Stop fuckin' with me! Alright. Stop fuckin' with me! We're the children of the Korn. Stop fuckin' with me! Called a fag all my life then I got it, so far, it's open day like me. Insanity. Go figure, what's a fag? Now a player, baptized and born and the children of the Korn.|Manda i tò baghét a la fèsta, a psém ardupiàr-i, stus dópi, fèsta dópia, ragasèṅ malnét ch'i fótan dal putàni più grandi, ciàp-am s'at pō, ciàva la léǵ druànd al mè cas ch'a gh'ò in maṅ, a sém drē a rivàr catìṿ, na generasiòṅ cun tri X, tut quél ch'a fém 'l è ad fumàr dl'èrba e far dal sès fóra dal cumùṅ. E i putèṅ i èṅ nâ, ròbi da mat! Ta gh l'à mèg! A basta ad fótar mèg! Và bèṅ. A basta ad fótar mèg! A sém i fiōi di Korn. A basta ad fótar mèg! Ciamâ fnòć par tuta la vita pò a 'l ò ciapâ acsè a la fiṅ 'l éra bòṅ mèg. Ròbi da mat. Figùr-at, cuś è'l un fnòć? Adès un muśicìsta nâ e batśâ e i fiōi di Korn.|'''Children Of The Korn''', ''1998''|DIALETTO={{Mud}}|LINGUA={{En}}}}
'L àlbum al finìs subìt a 'l prim pòst in dal nòrd Amerìca, [[Austràglia]] e [[Śelànda Nóva]], tirâ sù da dū sìngui da nuànta cuma '''Got the Life''' (canta tìpica di ''Korn'') e '''Freak on a Leash''', cun un vìddeo fat a pòsta p'r al diśegnadōr [[Todd McFarlane]], creadōr ad [[Spawn]] e vèć artìsta dla [[Marvel Comics]] in dua 'l iva laurâ a 'l [[Óm Ragn]] a la fiṅ di an Utànta e [[Hulk]].
''Follow the Leader'' 'l è dvintâ al disc più cgnusû dal grup cun déś migliòṅ ad còpi vindùdi e sinc disc ad plàtin.
=== Issues ===
[[File:Korn_MTV_Asia_Awards_2006.jpg|340px|thumb|right|I Korn tòlt śò durànt i MTV Awards Aśiàtic in dal 2006]]
In dal 1998 al grup al dà vita a 'l ''Family Values Tour'' insém a [[Incubus]], [[Orgy]], [[Limp Bizkit]], [[Rammstein]] e [[Ice Cube]]. Al ''tour'' al gh'à dimóndi sucès e al registrasiòṅ su CD e DVD i ciàpan un disc 'd òr e ad plàtin.
Al 23 ad Luj dal 1999 al grup al s śìbis a [[Woodstock]], in frònt a 250.000 spetadōr.
In dal Nuvémbar dal 1999 'l è al tùran ad '''Issues''' (''Questiòṅ''), prudót par [[Brendan O'Brien]]. Al disc 'l è gnû fóra cun quàtar cupertìni difarénti, frut 'd un cuncórs 'd [[MTV]] fra i sò sustenidōr ch'i gh'ìvan da mandàr un diśégn. Quél ch'l à vins, fat p'r ''Alfredo Carlos'', al véd un putòcio ad pèsa, su sfónd aràns, cun la pansa vèrta e sénsa al butòṅ d'l òć.
Cuciâ sù p'r i sìngui '''Falling Away from Me''' (cun al vìddeo dirèt par [[Fred Durst]]), '''Make Me Bad''' (cun la danéśa [[Brigitte Nielsen]] e 'l atōr [[Udo Kier]] ch'i rècitan in dal vìddeo) e '''Somebody Someone''', 'l àlbum al finìs a 'l prim pòst dla [[Billboard]], vindénd da piò 'd ùndas migliòṅ ad còpi in tut al mónd (al ciàpa anc tri disc ad plàtin). Dal punt ad vista muśicàl, al disc al véd un stîl misć, cun 'l uś dla letrònica e un pôc ad méno dal ''rap'' metal. ''Davis'' al sòna la curnamùśa in dal prim braṅ, '''Dead''', e la baterìa in di pès '''Trash''' e '''Dirty'''.
Durànt la prumusiòṅ dal disc, i ''Korn'' i sònan dal viṿ, insém a la banda dla pulisìa dla sità, tut i sò pès a 'l teàtar ''Apollo'' ad [[New York]], secónd grup a druàr ch'al pòst lè dòpa i [[Buddy Holly]] ch'i 'l ìvan fat a la fiṅ di an Sinquànta. Al cuncèrt 'l è anc stâ traśmìs a la ràddio.
{{CITAZIONE2|Hey, I'm feeling tired, my time is gone today, you flew with suicide, sometimes that's ok, hear what others say, I'm here standing hollow, falling away from me, falling away from me, day is here fading, that's when I would say, I flew with suicide, sometimes kill the pain, I can always say "It's gonna be better tomorrow", falling away from me, falling away from me. Beating me down, beating me, beating me down down, into the ground.|Vê, a m sènt stuf, al mè tèmp 'l è finî, ta t cumpàgn cun al suicìdi, dal vòlti al và bèṅ, scólta quél ch'i dìśan chi àtar, mè a sòṅ chè vōd, luntàn-at via da mè, luntàn-at via da mè, cal gióran chè 'l è drē a finìr, quést quànd a vój dir, a m cumpàgn cun al suicìdi, dal vòlti a mas al patimènt, a n pòs minga sèmpar dir "Dmaṅ 'l andrà méj", luntàn-at via da mè, luntàn-at via da mè. Dand-um śò dal bòti, Piciànd-um, dand-um śò dal bòti, par tèra.|'''Falling Away from Me''', ''1999''|DIALETTO={{Mud}}|LINGUA={{En}}}}
In dal stés an i ''Korn'' i cumparìsan in 'n epiśòdi dal cartòṅ animâ [[South Park]] intitulâ ''Korn's Groovy Pirate Ghost Mystery'', in dua a vèṅ anc sunâ la canta ''Falling Away From Me''.
Sèmpar in ch'l an lè a vèṅ fóra 'n EP ad remix cun dèntar sinc braṅ: ''A.D.I.D.A.S. (radio mix)'', ''Good God (dub pistols mix)'', ''Got The Life (John Abraham remix)'', ''Twist/Chi (dal viṿ)'' e ''Jingle Balls'', quésta chè na canta nóva.
=== Untouchables ===
[[File:BrianHeadWelch.jpg|215px|thumb|left|Al chitarìsta Brian Welch dit "Head"]]
'L 11 ad Śugn dal 2002, dòp tri an da 'l ùltim disc p'r un prubléma ad sàlut dal baterìsta [[David Silveria]], i ''Korn'' i pùblican '''Untouchables''' (''Intucàbii''), al dè dòp dn'eśibisiòṅ dal viṿ par la televiśiòṅ a 'l ''Hammerstein Ballroom'' ad [[New York]]. 'L àlbum al gh'à dèntar di sòṅ ''gothic rock'' e di sistetiśadōr, arc e di efèt speciài, par la prima vòlta in òṅ di sò lavōr, specialmènt in di braṅ '''Alone I Break''', '''Hating''' e '''Hollow Life'''.
Al prim sìngul tirâ fóra, '''Here to Stay''', in dal 2003 al vins un [[Grammy Award]] cuma "Best Metal Performance". Al sò vìddeo, cuma quél dal secónd sìngul '''Thoughtless''', 'l è stâ dirèt p'r i fradèi śmèi ''Allen e Albert Hughes'', famōś p'r avér girâ in séguit al film ''La vera storia di Jack lo squartatore'' cun [[Johnny Depp]]. Un tèrs sìngul, '''Alone I Break''', al vèṅ dirèt in séguit par [[Sean Dack]].
{{CITAZIONE2|Why are you trying to make fun of me? You think it's funny? What the fuck you think you're doing to me? You take your turn lashing out at me, I want you crying with your dirty ass in front of me, oh, all my hate cannot be found, I will not be drowned by your thoughtless scheming, so you can try to tear me down, beat me to the ground, I will see you screaming. Thumbing through the pages of my fantasies, I'm above you smiling at you drown, drown, drown, I wanna kill and rape you the way you raped me and I'll pull the trigger and you're down, down, down.|Parchè sē't drē a tōr-'m in gir? Péns-at ch'al sia divertènt? Cuśa cas créd-at ch'al m faga? At sē drē a gnir-'m adòs, a t vój far-at piànśar cun al tò cûl malnét in frònt ad mè, tut al mè òdi al n pōl briśa èsar catâ, al n sarà minga fugâ da la tò furbìsia malpinsàda, alóra at pó tintàr ad butàr-um śò, śbat'r-um par tèra, a t vadrò sigàr. Girànd al pàgini dla mè fantaśìa, ad sōvar ad tè, a t rid in sima, néga, néga, néga, a vój masàr-at e viulentàr-at in dla stésa manéra ch't à druâ tè par viulentàr-um e a schisarò al grilét e tè at sē śò, śò, śò.|'''Thoughtless''', ''2002''|DIALETTO={{Mud}}|LINGUA={{En}}}}
Al disc al vénd pôc anc parchè di ''hacker'', di làdar dla réda internet, i gh l'ìvan cavàda a rubàr dal computer ad ''Munky'' al canti dal disc, sinc méś prima ch'al gnis fóra. ''Untouchables'' però al ciàpa listés al disc ad plàtin.
=== Take a Look in the Mirror ===
[[File:Jonathan_Davis_di_Korn.jpg|300px|thumb|right|Jonathan Davis]]
A 'l inìsi dal 2003 i ''Korn'' i pùblican cuma sìngul '''Did My Time''', un braṅ ch'al cumparìva in dla culòna sunóra dal film ''Tomb Raider: La culla della vita'' cun l'[[Angelina Jolie]] ch'la cumparìs anc in dal vìddeo priumusiunàl.
'L ùltim lavōr fat cun tut i cumpunènt uriginài (e par la cà discugràfica [[Sony]] / [[Epic]]) 'l è '''Take a Look in the Mirror''' (''Dà n'uciàda in dal spèć'') dal Nuvémbar dal 2003. Al disc al vénd 98.000 còpi in dla prima stmana, tucànd la puśisiòṅ 9 in dal sò paéś. A s trata 'd un lavōr dimóndi grèś e rabî e pîṅ ad distursiòṅ, cuma quéi di inìsi e 'l è stâ prudót diretamènt par [[Jonathan Davis]].
Cuma i aṅ dit anca lōr durànt di intervìsti, al disc 'l è stâ fat in présia par via dal vendìti dimóndi basi dal lavōr precedènt, cun al prubléma 'd èsar in gir p'r al ''Ozzfest tour'' in cal mèntar.
Al disc al gh'à dèntar quàtar sìngui: '''Did My Time''', '''Right Now''' (cun un vìddeo rivultànt fat a cartòṅ animâ par [[Spike & Mike]]), '''Y'All Want A Single''' (braṅ ch'a tōś in gir al cà discugràfichi) e '''Everything I've Known'''. Cuma in “Follow the leader”, a s cata na canta ('''Play me''') cun di pès ''rap'' fat par [[Nas]]. A la fiṅ dl'ultma cansòṅ, '''When Will This End''', dòp soquànt minùt ad vōd, a gh'è un braṅ lugâ, '''One''' (cover di [[Metallica]]), sunâ dal viṿ in dal prugràma ''MTV Icon: Metallica'' in dal Maǵ dal 2003. Al fà finalmènt anc la sò cumpàrsa in s'n àlbum uficiàl al braṅ '''Alive''', vèć demo dal grup.
{{CITAZIONE2|Right now can't find a way to get across the hate when I see you, right now I'm feeling strange inside I wanna slash and beat you, right now I rip apart the things inside that excite you, right now I can't control myself I know hate you! I fucking hate you, shut up!|Pròpria adès a n cat minga la manéra par far-um pasàr 'l òdi ch'a gh'ò quànd a t véd, pròpria adès a m sènt straṅ ad dèntar e a vój far-at di siléf in fàcia e dar-'t-i, pròpria adès a t tir via i quèi ch'i t piàśan, pròpria adès a n pòs briśa tgnir stric 'l òdi ch'a gh'ò tèg! 'D un Dio, a t òdi, taśi!|'''Right Now''', ''2003''|DIALETTO={{Mud}}|LINGUA={{En}}}}
=== Greatest Hits, Volume 1 ===
[[File:Korn_at_Aviano_1.jpg|310px|thumb|right|Reginald Arvizu tòlt śò a Purdenôṅ in dal Favràr dal 2008]]
Al 5 'd Utóbar dal 2004 a véd la luś la prima racòlta di ''Korn'' ciamàda '''Greatest Hits, Volume 1''', cun dèntar i sìngui più cgnusû gnû fóra da 'l 1994 a 'l 2003, al remix ad '''Freak On A Leash''' e dū cover: '''Word Up''' di [[Cameo]] e '''Another Brick In The Wall''' di [[Pink Floyd]], tirâ fóra cuma sìngui. In tut al disc al gh'à dèntar daśnóṿ pès.
{{CITAZIONE2|Hey, teacher, leave those kids alone! All in all it’s just another brick in the wall, all in all you’re just another brick in the wall. We don’t need no education, we don’t need no thought control.|Vê, profesōr, lasa in paś chi baghét lè! A pinsàr-ag bèṅ, 'l è sōl n'atra préda in dal mur, a pinsàr-ag bèṅ, a sîv n'atra préda in dal mur. A n gh'ém briśa biśógn 'd educasiòṅ, a n gh'ém briśa biśógn 'd èsar tgnû 'd òć.|'''Another Brick In The Wall''', ''2004''|DIALETTO={{Mud}}|LINGUA={{En}}}}
Al 22 ad Favràr dal 2005 al chitarìsta [[Brian Welch]] al mòla tut 'd un trat al grup dgénd: «A-j-ò sarnî al Śgnór Gesù [[Crist]] cum al mè salvadōr, e a gh tindarò a drē faghénd la mè mùśica». "Head" al s fà batśàr in dal fiùm [[Giurdâṅ]] dascurénd liberamènt dla sò cunversiòṅ, specialmènt in dal sò sit internet. Òṅ di mutìṿ ch'al gh'à fat mulàr lè la baràca 'l è stâ quél ch'al n s cumpatìva piò ad sintìr sò fiōla pìcula dir dal parulàsi cantànd al canti di ''Korn''.
=== See You on the Other Side ===
[[File:KornMilWauk.jpg|300px|thumb|left|I Korn impgnâ in un cuncèrt dal 2006]]
Pôc tèmp dòp che ''Welch'' 'l iva mulâ 'l grup, i ''Korn'' i fìrman un cuntràt da vint-sinc migliòṅ ad dòlar cun la [[EMI]] e [[Virgin Records]].
Al 6 ad Dicémbar dal 2005 i faṅ catàr in di negòsi al prim lavōr fat da lōr par la nóva cà discugràfica, '''See You on the Other Side''' (''A sa vdém da cl'atra banda''), ch'al s piàsa a 'l pòst nùmar tri dla [[Billboard]]. Al prim sìngul '''Twisted Transistor''' al s cumpàgna cun un vìddeo dirèt par [[Dave Meyers]], in dua i ''Korn'' i èṅ imitâ in na manéra da far rìdar da di rapper cuma [[Xzibit]], [[Lil' Jon]], [[Snoop Dogg]] e [[David Banner]]. Àtar dū sìngui i gnaràṅ fóra in séguit: '''Coming Undone''' e '''Politics''', quést chè minga sustgnû da 'n vìddeo, ma fat giràr sōl a la ràddio.
Al grup al decìd cun cal lavōr chè ad cambiàr un pôc gènar, avśinànd-as da piò a la lerònica e a 'l stîl ad [[Marilyn Manson]] e di [[Nine Inch Nails]] ad [[Peter Steele]].
Al disc, ch'al gh'à dū versiòṅ: quéla nurmàla, cun quatòrdas braṅ dèntar, e quéla ''deluxe'' cun un CD da piò cun dèntar tri braṅ inèdit, dū ''mix'' ad ''Twisted Transistor'' e dū vìddeo ''live'', 'l à vindû da piò ad dū migliòṅ ad còpi in tut e al gh 'l à cavâ a rivàr a 'l disc ad plàtin in di [[Stat Unî]], armanénd par 35 stmani in dla ''Top 200''.
Al 13 ad Śnar dal 2006 i ''Korn'' i sònan a 'l [[Hollywood Forever Cemetery]], dand vita a 'l ''See You on the Other Side World Tour'' cun 'l apòǵ 'd [[Axl Rose]] di [[Guns N' Roses]], [[Chester Bennington]] e [[Joseph Hahn]] di [[Linkin Park]] e l'atōra [[Jessica Biel]].
{{CITAZIONE2|Hey you, hey you, Devil's little sister, listening to your Twisted Transistor, hold it between your legs, turn it up, turn it up, the wind is coming through, can't get enough.|Vê tè, vê tè surelìna dal Diàvul ch'at sē drē a scultàr al tò tranśìstor fóra ad tèsta, tîṅ-al bèṅ stric in mèś a 'l gambi, tirâ sù al vulùm, dà-gh sù, al vènt al vèṅ dèntar, a n gh 'n ém mia asè.|'''Twisted Transistor''', ''2005''|DIALETTO={{Mud}}|LINGUA={{En}}}}
=== Live & Rare e Unplugged MTV ===
[[File:Korn_03312006_Milwaukee.jpg|195px|thumb|left|Reginald "Fieldy" Arvizu in dal 2008]]
Al 9 ad Maǵ dal 2006 i ''Korn'' i faṅ gnir fóra na racòlta, ad pès dal viṿ e di àtar rar, ciamàda '''Live & Rare'''. Al disc al gh'à dèntar sèt canti 'd un cuncèrt dal Nuvémbar dal 2003 a [[New York]] e àtar quàtar ''live'', cun in śònta dū pès in studi ('''Proud''' e '''Earache My Eye''', quést chè braṅ lugâ dal disc ''Follow The Leader'').
Sèmpar dal 2006 'l è la racòlta dal cuncèrt dal 29 ad Luj a [[Nashville]], '''The Family Values Tour 2006''', cun dèntar sinc braṅ dal grup califurgnàṅ (cun na ''Shoots and Ladders/Wicked'' cantàda insém a [[Chino Moreno]]) e soquànt di àtar grup cuma i [[Deftones]] e i [[Stone Sour]].
Al 12 ad Śugn dal 2006, durànt al ''tour'' in dal nòstar cuntinènt, a Davis a gh vèṅ catàda na malatìa dal sangṿ, la ''Idiopathic Trombocitopenic Purpura'', ch'la 'l tîṅ a 'l uśdàr par na stmana.
In dal Dicémbar dal 2006 al baterìsta [[David Silveria]], famóś anc p'r avér fat al mudèl par [[Calvin Kline]] e cgnusû p'r èsar al mémbar tìmid dal grup, al fà savér ch'al s turà na pàuśa e ch'al n sunarà briśa in di disc e in di cuncèrt a gnir.
Sénsa 'd lò, al 9 ad Dicémbar dal 2006 i ''Korn'' i sònan dal viṿ cun di strumènt acùstic par la traśmisiòṅ dal canàl televiśìṿ [[MTV]] insém a la [[Amy Lee]] di [[Evanescence]] (in dal braṅ ''Freak on a Leash'', sarnî cuma sìngul) e [[Robert Smith]] di [[The Cure]] in dal braṅ ''Make Me Bad'' misćiâ par l'ucaśiòṅ cun ''In Between Days'', vèć pès dal 1985 dal grup ingléś. Da nutàr anc la cover di [[Radiohead]] '''Creep''', òṅ di ùndas dal pachét (tri i èṅ i pès tirâ via: ''No One's There'', ''Thoughtless'' e ''Dirty''), insém a na '''Throw Me Away''' sunàda cun [[sitar]] e di [[taiko]] giapunéś. L'eśibisiòṅ la vèṅ registràda p'r èsar misa in un disc selebratìṿ ch'al gnarà fóra al 6 ad Mars dal 2007 cun al tìtul '''MTV Unplugged'''. In dla prima stmana al lavōr al vénd 51.000 còpi e al finìs a 'l pòst nóṿ dla [[Billboard|Billboard 200]].
{{CITAZIONE2|I thought it would be fun and games (It would be fun and games), instead it's all the same (It's all the same), I want something to do, need to feel the sickness in you. I feel the reason as it's leaving me, no, not again, it's quiet deceiving as I'm feeling the flesh made me bad, all I do is look for you and when I fix you, needed to, just to get some sort of attention.|A pinsàva ch'al sarés stâ tògo (al sarés stâ tògo), invéci 'l è tut cumpàgn ('l è tut cumpàgn), a vój far quèl, a gh'ò biśógn ad sintìr al malèsar dèntar ad tè. A sènt ch'la ragiòṅ 'l è drē a mulàr-um lè, no, minga incóra, 'l è silensiōś inganàr mènt'r a sènt la carna ch'la m rénd catìṿ, tut quél ch'a fag 'l è pascàr-at e quànd a t tégn 'd òć, a gh'iva biśógn, sōl 'd avér na quàlc manéra 'd atensiòṅ.|'''Make Me Bad''', ''1999''|DIALETTO={{Mud}}|LINGUA={{En}}}}
Al 7 ad Śnar dal 2007 i ''Korn'' i càtan in dal vèć amìg [[Terry Bozzio]] al baterìsta nóṿ.
=== Untitled ===
[[File:James_Shaffer.jpg|375px|thumb|right|James "Munky" Shaffer impgnâ in dal ''Family Values Tour'' dal 2007]]
Al 31 ad Luj dal 2007 i ''Korn'' i véndan 'l utàṿ disc dla lōr caréra (sertificâ 'd òr dal mumènt ch'l à vindû da piò 'd un migliòṅ ad còpi in tut al mónd), un lavōr sénsa tìtul cgnusû in gènar cuma '''Untitled''' o anc '''The Ominous Root''' (da 'l nóm dl'òpra ad [[Richard Kirk]] ch'la figùra in cupertìna). Al cantànt ''Jonathan Davis'' 'l à dit in prupóśit: „A n vlìvan briśa dar n'etichéta a c'l àlbum chè. Al n gh'à minga di cunfìṅ e gnanc di lìmit. Parchè a n dar mia l'ucaśiòṅ a i nòstar sustenidōr ad ciamàr-al cuma i vólan?“.
I sìngui tirâ fóra i èṅ tri: '''Evolution''' (Maǵ 2007), '''Hold On''' (Utóbar 2007) e '''Kiss''' (Avrìl 2008).
{{CITAZIONE2|And why do I deserve to die, I'm dominated by this animal thats locked up inside, close up to get a real good view, I'm betting that the species will survive, hold tight, I'm getting inside you evolution and when we're gonna find these bones, they're gonna want to keep them in a jar, the number one virus caused by procreation. And the planet may go astray, in a million years I say, those motherfuckers were all deranged, it's evolution.|E parchè gh'arév-j-a da meritàr-um la mòrt? A sòṅ tgnû stric da cla bèstia chè ch'a gh'ò ad dèntar, a m davśèṅ par véd'r-ag méj, a gh scumét ch'al spèci i scamparàṅ, tîṅ bòta, a sòṅ drē a gnir-at dèntar evulusiòṅ e quand a-j-arém catâ chi òs lè, i vuràṅ met'r-i via in na pruéta, al più grôs di vìrus fat sù da la prucreasiòṅ. E al mónd al prév perd'r-as, in un migliòṅ 'd an a dig, chi fiōi lè dna putàna i éran tut di fóra ad tèsta, l'è l'evulusiòṅ.|'''Evolution''', ''2007''|DIALETTO={{Mud}}|LINGUA={{En}}}}
Sénsa ''Silveria'' da drē da la baterìa par la prima vòlta, in cal disc chè i sònan al sò pòst [[Terry Bozzio]] (ch'al vliva dvintàr a tut i cóst òṅ di ''Korn'' ciapànd la sò part dal 25% e par cal mutìṿ lè 'l è stâ mandâ via), [[Brooks Wackerman]] ma anc ''Davis'' stés. I ''Korn'' i ciàman anc [[Zac Baird]] par sunàr al tastéri.
Al disc al fà al sò debùt diretamènt a 'l secónd pòst dla [[Billboard|Billboard 200]], un quèl ch'al n capitàva briśa da ''Untouchables'' dal 2002, ma in dal gir dna stmana al taca a véndar sémpar méno (un quàrt dal còpi), sparénd dal tut da la clasìfica dòp dódas stmani.
== Mémbar ==
=== Quéi 'd adès ===
* Jonathan Davis - <small>vóś e curnamùśa</small> (1993 - incō)
* James "Munky" Shaffer <small>chitàra</small> (1993 - incō)
* Reginald "Fieldy" Arvizu <small>bas</small> (1993 - incō)
* Ray Luzier - <small>baterìa</small> (2007 - incō)
=== Ex cumpunènt ===
* Brian "Head" Welch - <small>chitàra</small> (1993 - 2005)
* David Silveria - <small>baterìa</small> (1993 - 2006)
== Discugrafìa ==
=== Àlbum ===
* <small>1994</small> - Korn
* <small>1996</small> - Life Is Peachy
* <small>1998</small> - Follow the Leader
* <small>1999</small> - Issues
* <small>2002</small> - Untouchables
* <small>2003</small> - Take a Look in the Mirror
* <small>2005</small> - See You on the Other Side
* <small>2007</small> - Untitled album
* <small>2010</small> - Korn III: Remember Who You Are
* <small>2011</small> - The Path to Totality <small>(al gnarà fóra al 15 ad Nuvémbar)</small>
=== Racòlti ===
* <small>2004</small> - Greatest Hits, Vol. 1
=== Dal Viṿ ===
* <small>2006</small> - Live & Rare
* <small>2007</small> - MTV Unplugged: Korn
=== Demo ===
* <small>1993</small> - Neidermeyer's Mind
=== EP ===
* <small>1997</small> - Live at the Palace
* <small>2001</small> - All Mixed Up
* <small>2005</small> - The Other Side
* <small>2005</small> - The Other Side, Part 2
* <small>2006</small> - Politics Election EP
* <small>2009</small> - Korn Digital EP#1
* <small>2010</small> - Korn Digital EP#2
* <small>2010</small> - Korn Digital EP#3
=== Sìngui ===
* <small>1993</small> - Christmas Song
* <small>1994</small> - Blind
* <small>1995</small> - Need To
* <small>1995</small> - Shoots and Ladders
* <small>1996</small> - Clown
* <small>1996</small> - No Place to Hide
* <small>1997</small> - A.D.I.D.A.S.
* <small>1997</small> - Good God
* <small>1998</small> - All in the Family <small>(insém a ''Fred Durst'')</small>
* <small>1998</small> - Got the Life
* <small>1998</small> - Children of the Korn <small>(insém a ''Ice Cube'')</small>
* <small>1998</small> - B.B.K.
* <small>1999</small> - Freak on a Leash
* <small>1999</small> - Falling Away from Me
* <small>2000</small> - Make Me Bad
* <small>2000</small> - Somebody Someone
* <small>2002</small> - Here to Stay
* <small>2002</small> - Thoughtless
* <small>2002</small> - Alone I Break
* <small>2003</small> - Did My Time
* <small>2003</small> - Right Now
* <small>2004</small> - Y'All Want a Single
* <small>2004</small> - Everything I've Known
* <small>2004</small> - Word Up!
* <small>2004</small> - Another Brick in the Wall
* <small>2005</small> - Twisted Transistor
* <small>2006</small> - Coming Undone
* <small>2006</small> - Coming Undone wit It <small>(insém a ''Dem Franchize Boyz'')</small>
* <small>2006</small> - Politics
* <small>2006</small> - Hypocrites
* <small>2007</small> - Freak on a Leash <small>(unplugged, insém a ''Amy Lee'')</small>
* <small>2007</small> - Evolution
* <small>2007</small> - Hold On
* <small>2008</small> - Kiss
* <small>2008</small> - Haze
* <small>2010</small> - Oildale (Leave Me Alone)
* <small>2010</small> - Let the Guilt Go
* <small>2011</small> - Get Up! <small>(insém a ''Skrillex'')</small>
== Videugrafìa ==
* <small>1997</small> - Who Then Now? <small>Vhs</small>
* <small>2002</small> - Deuce <small>Vhs e Dvd</small>
* <small>2002</small> - Korn Live <small>Dvd</small>
* <small>2006</small> - Live on the Other Side <small>Dvd e Blu-ray</small>
* <small>2006</small> - Chopped, Screwed, Live and Unglued <small>Dvd e Cd</small>
* <small>2008</small> - Live at Montreux 2004 <small>Dvd e Blu-ray</small>
== Culegamènt estéran ==
* {{en}} [http://www.korn.com/ Al sit uficiàl]
* {{en}} [http://www.youtube.com/watch?v=2s3iGpDqQpQ/ Al vìddeo ad ''Falling Away From Me'' in sal ''Youtube'']
* {{en}} [http://www.youtube.com/watch?v=VRPxao3e_jY/ Al vìddeo ad ''Right Now'' in sal ''Youtube'']
* {{en}} [http://www.youtube.com/watch?v=jRGrNDV2mKc/ Al vìddeo ad ''Freak On A Leash'' in sal ''Youtube'']
* {{en}} [http://www.youtube.com/watch?v=1q-k-uN73Gk/ Al vìddeo ad ''Word Up'' in sal ''Youtube'']
|sel=1
}}
{{Metal}}
[[Categoria:MUSICA|Korn]]
[[an:KoЯn]]
[[ar:كورن]]
[[az:Korn]]
[[bar:Korn]]
[[be:Korn]]
[[be-x-old:Korn]]
[[bg:Корн]]
[[br:Korn (strollad)]]
[[bs:Korn]]
[[ca:Korn]]
[[cs:Korn]]
[[cy:Korn]]
[[da:KoЯn]]
[[de:Korn (Band)]]
[[el:Korn]]
[[en:Korn]]
[[es:Korn]]
[[et:Korn]]
[[eu:Korn]]
[[fa:کورن]]
[[fi:Korn]]
[[fr:Korn]]
[[gl:KoЯn]]
[[gu:કોર્ન]]
[[he:קורן (להקה)]]
[[hi:कॉर्न]]
[[hr:Korn]]
[[hu:Korn]]
[[id:KoЯn]]
[[is:Korn (hljómsveit)]]
[[it:Korn]]
[[ja:コーン (バンド)]]
[[jv:Korn]]
[[ka:კორნი (ამერიკული ჯგუფი)]]
[[kn:ಕಾರ್ನ್]]
[[ko:콘 (밴드)]]
[[lt:Korn]]
[[lv:Korn]]
[[mk:Korn]]
[[nl:KoRn]]
[[no:Korn (band)]]
[[pl:Korn]]
[[pt:Korn]]
[[ro:Korn (formație)]]
[[ru:Korn]]
[[sh:Korn]]
[[simple:Korn]]
[[sk:Korn (metalová skupina)]]
[[sl:Korn]]
[[sq:Korn]]
[[sr:Korn]]
[[su:Korn]]
[[sv:Korn (musikgrupp)]]
[[ta:கோர்ன்]]
[[te:కార్న్]]
[[th:คอร์น]]
[[tr:Korn]]
[[uk:Korn]]
[[uz:KoRn]]
[[yi:קארן (טרופע)]]
[[zh:Korn]]
| |||