Raffaella Carrà: differenze tra le versioni
Contenuto cancellato Contenuto aggiunto
Riga 21:
In dla stagiòṅ 1969-1970 al riva al sucès televiśìṿ, in dal spetàcul '''Io Agata e tu''' ch'la fava insém a [[Nino Taranto]] e [[Nino Ferrer]] e in dua la dà inìsi a 'n stîl nóṿ dal tut ad far la ''showgirl'', dimóndi mudéran. In d'l Aṿtòṅ dal stés an l'è a fiànc ad [[Corrado]] in '''Canzonissima''' in dua la dà scàndal faghénd védar 'l umbrìgul in dla siggla ch'la vèra la traśmisiòṅ '''Ma che musica maestro!''' (''Ma ac mùśica mìstar!''). Anc 'l an dòp l'è a ''Canzonissima'' e lè la dà vita a 'l bal '''Tuca Tuca''' e la canta '''Chissà se va''' (''Giusà s'la và'') e la cansòṅ par putèṅ '''Maga Maghella''', persunàǵ invintâ pròpria da lē. In dal 1974 la preśénta '''Milleluci''' insém a la [[Mina]] e pò incóra la sò tèrsa ''Canzonissima'' ma 'sta vòlta da par lē.
Dòp èsar-'s fata cgnósar anc in [[Spaggna]] cun al prugràma '''La hora de Raffaella''', in dal 1978 la preśénta al varietà dal Sàbat sira '''Ma che sera''' e pò '''Millemilioni''' in dal 1981. In dal 1982 la tórna a lauràr insém a [[Corrado]] (e a [[Gigi Sabani]] e a [[Renato Zero]]) a '''Fantastico 3'''.
A séguit dal taramòt dla basa mudnéśa dal Maǵ dal 2012, ''Raffaella'' la decìd ad dar 'n ajùt partecipànd a 'n cuncèrt par catàr sù di fónd, insém a di àtar artìsta dla regiòṅ Emìglia Rumàgna cuma i [[Nomadi]], [[Francesco Guccini]], [[Zucchero Fornaciari]], [[Nek]], la [[Laura Pausini]], [[Luciano Ligabue]], [[Gianni Morandi]] e i [[Modena City Ramblers]]<ref>[http://www.blitzquotidiano.it/musica-showblitz/terremoto-emilia-raffaella-carra-alleviare-la-tremenda-burocrazia-1283393 Taramòt in Emìglia, Raffaella Carrà: "Tirâ via cla burocrasìa lè treménda] ''blitzquotidiano.it'', 25 ad Śugn dal 2012</ref>.▼
In dal 1983 (e par tri an) la sa spòsta a Meśdè dand vita, insém a 'l sò cumpàgn da na vòlta [[Gianni Boncompagni]], a '''Pronto, Raffaella?''', un salòt televiśìṿ in dua ''Raffaella'' la fava dimóndi śuglèṅ a 'l telèfun, dmandànd a la gint quànt faśōi la tgniva in dal baràtul o parchè la t rispónd śal<ref>[http://archiviostorico.corriere.it/1995/febbraio/17/Carra_miei_fagioli_sono_innocenti_co_0_9502175833.shtml La Carrà: "i mè faśōi i n gh'àṅ briśa cólpa"] ''corriere.it'', 17 ad Śnar dal 1995</ref>.
In dal 1986 l'è la vòlta ad '''Domenica In''' prima ad pasàr a [[Canale 5]] par far dū prugràma bèi fiàp in di ascōlt cuma '''Raffaella Carrà Show''' e '''Il principe azzurro'''. In dal 1989 la tórna in si sò pas faghénd '''Raffaella venerdì sabato e domenica - Ricomincio da Due''' par [[Rai 2]] insém a 'l parmśàṅ [[Scialpi]] e a la [[Sabrina Salerno]]. Turnàda a 'l sucès pîṅ da na vòlta, par ''Raffaella'' i s vèran incóra i us dal Sàbat sira cun '''Fantastico 12''' (1991, insém a [[Johnny Dorelli]]), '''Carràmba! Che sorpresa''' (1995/2002) e '''Carràmba! Che Fortuna'''.
In dal 2001 l'è in sal palc ad [[Sanremo]] (secónda dóna a far-al dòp la [[Loretta Goggi]]) ma da cal mumènt lè in avànti la taca a cumparìr sémpar ad méno in televiśiòṅ. In dal 2011 a vèṅ fóra un remix dal dj francéś [[Bob Sinclar]] dna sò canta dal 1976 ('''A far l'amore comincia tu''', ''A far 'l amōr taca tè'') cun al tìtul ad '''Far l'amore''' e 'l è un sucès internasiunàl.
▲A séguit dal taramòt dla basa mudnéśa dal Maǵ dal 2012, ''Raffaella'' la decìd ad dar 'n ajùt partecipànd a 'n cuncèrt par catàr sù di fónd, insém a di àtar artìsta dla regiòṅ Emìglia Rumàgna cuma i [[Nomadi]], [[Francesco Guccini]], [[Zucchero Fornaciari]], [[Nek]], la [[Laura Pausini]], [[Luciano Ligabue]], [[Gianni Morandi]] e i [[Modena City Ramblers]]<ref>[http://www.blitzquotidiano.it/musica-showblitz/terremoto-emilia-raffaella-carra-alleviare-la-tremenda-burocrazia-1283393 Taramòt in Emìglia, Raffaella Carrà: "Tirâ via cla burocrasìa lè treménda"] ''blitzquotidiano.it'', 25 ad Śugn dal 2012</ref>.
{{CITAZIONE|Mè a sòṅ nada a Bulógna, mè pàdar 'l è emigliàṅ, mè màdar rumagnóla. Mè a sòṅ chè stasìra par tri mutìṿ, al prim 'l è ch'a vój che tut vuàtar dal stadi Dall'Ara ch'a siv chè mèg a dâ 'n abràs dimóndi fòrt a tut al parsòni ch'i èṅ drē a guardàr-as incóra da sóta 'l téndi, nuàtar a sém chè parchè a v vlém bèṅ, a v vlém dar dal curàǵ, fòrsa e andém avànti, veramènt a v sintém in dal cōr, tut quést chè 'l è par vò. Secónd mutìṿ, far, tut nuàtar, quél ch'a s pōl par jutàr cla regiòṅ chè fòrta e pina ad curàǵ, a 'l fém ma mè a 'l dig a tut gl'itagliàṅ adès, fâv cal 45500 chè da telefunèṅ o da telèfun fis e dunâ dū euro par la ricostrusiòṅ ad cal taramòt chè maladî, a gh'ém da custruìr incóra. Al tèrs e ùltim mutìṿ, e par quést chè a gh'ém pò da far-as sintìr fòrt, a dascór a i putènt dl'Itàglia, vuàtar a gh'iv da, par piaśér!, par piaśér!, réndar alśéra cla burocrasìa chè treménda in di cunfrònt dl'Emìglia e a gh'iv da far-al subìt!, a v al dmand in śnòć!, subìt tut i piàṅ ch'a gh'iv in mènt. Mè, baghét, a n al sò minga s'i s ascultaràṅ, ma in tut al manéri stasìra nuàtar a gh'ém da far dimóndi, ma dimóndi STUS!|Al sò apèl dal 25 ad Śugn dal 2012 in sal palc ad Bulógna}}
| |||