Umiliasiòun ed Canòsa: differenze tra le versioni

L' '''umiliasiòun ed Canòsa''' l'é un fât sucès al [[Castèl ed Canòsa]] al tèimp ed la lôta polética ch'l'à vést a cunfrûnt l'avtoritê 'd la Cēşa, guidêda da pêpa Gregorio VII, e còla imperiêla 'd Enrico IV che, per utgnîr al ritîr ed la scomónica fâta dal pêpa, l'é stê custrèt a umiliêres a spetêr inznucê per trî dé e trèi [[Nôt (pêrt dal giōren)|nôt]] davanti al purtòun dal castèl ed [[Matélda ed Canòsa|Matélda]], mèinter a gh' ēra 'na burâsca ed nèiva.

Int l'invêren fr' al 1076 e al 1077 Enrîco, la mêdra ed só mujēra, la cuntèsa [[Adelaide ed Susa]], a cumîncen la procesiòun ed penitèinsa a [[Canòsa]], sēgh a gh'ēra ânch al cugnê [[Amedeo II ed Savoia]] al marchèiş Azzorre 'd Este. Per trî [[dé]] e trèi [[nôt]], dal 25 al 27 znêr 1077 Enrico l'é stê custrèt a 'd arbasêres, a spetêr, davânti al purtòun 'd ingrès dal castèl ed la cuntèsa [[Matélda ed Canòsa]], 'd èser fât pasêr e purtê davânti al pêpa: al fât l'é sucès mèinter a gh'ēra 'na burâsca ed nèiva e Enrico l'ēra inznucê ed frûnt al purtòun sarê cun la tèsta stremnêda ed sèndra, deschêlsa e vistî cun 'na tònga da frê.