Fernando Alonso: differenze tra le versioni

Fernando al vins al tìtul anc 'l an dòp, sèmpar cun al vulànt dla [[Renault]] in dal sò maṅ, cla vòlta chè còntra 'l ferarìsta [[Michael Schumacher]]. Al spagnól al partìs bèṅ vinsénd subìt in [[Bahrain]] e in [[Austràglia]] e rivànd secónd in [[Malèśia]], muciànd acsè 28 punt còntra i 11 dal tedésc in rós. Turnâ in [[Europa]] al parìva ch'al ròbi però i psìsan cambiàr anc parchè ''Schumacher'' al vins a [[Iommla]] e a cà sua a 'l [[Nurburgring]] ma pò ''Alonso'' al gh rispónd a la sò manéra rivànd prim in [[Spaggna]], [[Mònac]], [[Gran Bretàggna]] e [[Cànada]]. La [[Ferrari]] la próa a far-as sóta vinsénd in di [[Stat Unî]], [[Franza|Frància]] e [[Germàgna]], sfrutànd anc al fat che in cal mèntar al gumi druàdi da lē (al [[Bridgestone]]) i anàvan méj ad quéli dla [[Renault]] (al [[Michelin]]) e che la federasiòṅ l'iva pruibî a la cà francéśa ad druàr un śavàj ciamâ ''Mass Damper'' ch'al la fava andràr più in présia spustànd i péś da na banda a cl'atra. A tri gari da la fiṅ 'l Asturiàṅ al gh'iva sōl dū punt ad vantàś su 'l rivàl quand ''Michael'' al vins in [[Cina]] e al gh và para ma 'l è pò prim par via di riśultâ più bèi. La śvòlta la riva in [[Giapòṅ]] quand ''Schumacher'' al śbraga al mutór quand 'l éra prim e ''Alonso'' al vins al mundiàl rivànd pò secónd in [[Braśìl]] da drē ada [[Felipe Massa]]. Anc la [[Renault]] la vins al sò tìtul.