San Pusidóni: differenze tra le versioni

'''San Pusidóni''' (''San Possidonio'' in [[italiàn]], 3.783 abitant) 'l è un paiśeṅ in [[provinsa ad Mòdna]] ch'al fà part di nóv cumùn dl'[[Uniòun cumùn Mudnési Area Nord]]. Al dista 35 Km da [[Mòdna]].

 

Al teritòri ad San Pusidóni 'l era abitàa fin da i temp di Romàṅ, probabilmènt cuma stasiòṅ pìcula (ciamàda “Garfagnana”) p'r i pasaǵ da la via Emilia vers [[Ustiglia]]. Dopa gl'invaśiòṅ di bàrbar, a n s sà piò gnint dal cumùṅ fiṅ al medioevo quand tut al teritòri al fava part dal distrét arśaṅ e dal regn di [[Lungubàrd]].

In un ducumènt dal 962 a s dascór ad la cieśa ad San Pusidóni quand al véscuv Azzo ad Reś 'l iva utgnùu da Ludovig II al reliqqui dal sant. Dopa èsar stàa sóta a i marchèś ad la Tuscàna, in di prim aṅ dal XIV sècul, San Pusidóni al pasa a i Pico ad [[La Miràndla]] e pò a gl'Estensi ad [[Mòdna]] in dal 1710.

In dl Agóst dal 1859 San Pusidóni al pasàva al regn ad Sardeggna dopa na cunsultasiòṅ referendaria.

 

A San Pusidóni a gh'è dimóndi camp par la cultivasiòṅ di pir (Abate, William, Kaiser, Conference e Decana) e dal furmintòṅ.

Par San Pusidóni a pasa al fiùm Secia ch'al fà anc da cunfìṅ cuṅ la frasiòṅ dal Vrèe e cuṅ al cumùṅ ad Nóv.

I Pusidièś i aṅ ciapàa mediamènt 16.910 euro in dal 2005.