Versione delle 16:55, 31 mar 2011 modifica 93.35.55.76 (discusiòun) Nessun oggetto della modifica ← Differenza precedente		Versione delle 17:02, 31 mar 2011 modifica annulla 93.35.55.76 (discusiòun) Nessun oggetto della modifica Differenza successiva →
Riga 2: == Vitta == A gh'è qualchidon cch' a pensa cch'al sia nassù dal 9 , ma còst al n'è miga ciär. Par còl cch' à da fär con l'Emilia, l'à passè in t' la región la pu longa pärta 'd la vitta: -fin a 14 an l'è restè a Roncole äd Busèi, indò l'era nassù e a s' pol ancòrra vizitär la so ca; - podopa l'è passè in citè a Busèi par studiär, infinn al 1839 quand cch'al s'è spozè con la Ghita Barezzi e l'è andè stär a Milàn; - dal '47 l'è bél e tornè indrè a 'l s'è comprè la pu béla ca 'd Busèi, Palazzo Orlandi, mo al n'è gh'è miga restè dentor bombén, parchè al ghe vrèva stär con la Giuseppina Strepponi c' la n'era miga ancòrra so mojera (i s'én spozé solament dal 1859) e donca tuta la genta la gh' fis'ciäva adrè e la fäva dil protésti- - dal 1850 infinn al 1901 l'à abitè fora 'd Busèi, a Villa Sant'Agata (n'ätra ca c' a s'pol vizitär e gh'è dentor tutta la so roba).Al fäva di gran viag, al pasäva l'inveron al mär, mo pò al gniva sémp'r indrè a ca sòvva. Però quazi par cäz l'è mort a Milàn, al Grand Hotel ef de Milan, parchè al gh'era andè (che la Strepponi l'era bél e morta dal 1897) par pasär il fésti 'd Nadäl dal 1900 coj so amiz e 'l gh'era restè anca in znär. == Col c'l'à scritt == Dilj òperi famozi al n'j à fatt ~~soquanti~~un mucc; fòrsi il pu conosudi da la so genta j én al Rigolètt, la Traviata, al Trovator, la Forsa, al Bal, l'Otello e l'Aida. Mo l'è dal Nabucco cch'a vén al coro pu cantè, Va pensiero, che quand j al canton a [[Pärma]] gh'è la tradisión che un qualchidón di ascoltator, propria sul pianissimo finäl, al zbraja: "Viva Verdi"- e po a vén zo 'l teator. == I dan l'otello == La pu béla poezia in dialètt pramzàn, ch'a s' vèdda tuta la pasión di pramzàn par Verdi, l'è "I dan L'Otello" 'd [[Renzo Pezzani]]. [[an:Giuseppe Verdi]]

Giuseppe Verdi: differenze tra le versioni