Differenze tra le versioni di "Alice in Chains"

2 763 byte aggiunti ,  10 anni fa
nessun oggetto della modifica
(Creata pagina con '{{Variant|MUD}} 130px|thumb|right|Articul in Miranduleś {{CITAZIONE2|Into the flood again, same old trip it was back then, so I made a big mistake try t...')
 
== Gl'Inisi ==
 
Al grup al s fórma in dal 1987 dal séndri di '''Alice N' Chainz''' e '''Diamond Lie''': [[Layne Staley]] 'l è al cantànt, [[Jerry Cantrell]] al chitarìsta, [[Sean Kinney]] al baterìsta e [[Mike Starr]] al basìsta. Al prim cuntàt 'l è cun la [[Columbia Records]] in dal 1989. In dal Luj dal 1990 a vèṅ fóra al prim EP '''We Die Young''' (''Nuàtar a murém śóvan'') cun al braṅ ch'a gh dà al tìtul ch'al dvèṅdvénta pupulàr in dal raddio ch'i traśmétan 'l heavy metal.
 
{{CITAZIONE2|Another alley trip, bullet seek the place to bend you over then you got hit and you shoulda known better, faster we run and we die young...|'N àtar viàś in di vìcui, la palótula la pésca 'n àtar pòst par pigàr-at pò 't vèṅ culpî e at gh'arés da savér-al méj, a curém più fòrt e a murém śóvan...|'''We die young''', ''1990''|DIALETTO={{Mud}}|LINGUA={{En}}}}
 
== 'L esòrdi e al sucès ==
 
[[File:LAYNE4.jpg|260px|thumb|left|Al cantànt Layne Staley]]
 
Sémpar in dal 1990, a vèṅ fat al prim disc, '''Facelift''' cun la ''hit'' '''Man in the Box''' trasmìsa par MTV. Gl'Alice in Chains i vaṅ in tour e i vèran i cuncèrt par [[Van Halen]] e [[Iggy Pop]]. Nel 1991 i sònan dal viṿ p'r al ''Clash of the Titans'', in cumpagnìa ad [[Slayer]], [[Anthrax]] e [[Megadeth]].
 
{{CITAZIONE2|I'm the man in the box, buried in my shit. Won't you come and save me, save me...|A sòṅ 'l óm in dla scàtula, saplî in dla mè mèrda. Vō't minga gnir a salvàr-um? Salv-am...|'''Man in the box''', ''1990''|DIALETTO={{Mud}}|LINGUA={{En}}}}
 
Dòp avér fat gnir fóra 'l EP acùstic ciamâ '''Sap''' (''Linfa'', cun i òspit ''Mark Arm'' di [[Mudhoney]] e ''Chris Cornell'' di [[Soundgarden]]), cun quàtar braṅ ('''Brother''', '''Got me wrong''', '''Right turn''' e '''Am I inside''') e una ''ghost track'' finàla, in dal 1992 al grup al s fà cgnósar incór da piò, quand una dal lór canti, '''Would?''', l'è misa dèntar a la culóna sunóra dal film '''Singles - L'amore è un gioco''' (''Put - 'l amór 'l è un śóg''), dal regìsta [[Cameron Crowe]], ch'al cònta la vita ad soquànt óm put ad Seattle.
 
{{CITAZIONE2|You sugar taste, sweetness doesn't often touch my face, stay if you please, you may not be here when I leave...|Tè ch'at sà ad sùcar, la ròba dólsa da spés la n tóca minga la mè facia, stà chè s'at fà piaśér, at prév n èsar-gh minga quand a partirò...|'''Got me wrong''', ''1992''|DIALETTO={{Mud}}|LINGUA={{En}}}}
 
'L àlbum '''Dirt''' (''pólvra''), acsè prégn ad cal sòṅ caraterìstic dal grup, péś e dastòrt, 'l è stâ fat in d'l Autùn dal 1992, e 'l è stâ un sucès cumerciàl e artìstic. Però i tèst ad 'l àlbum, acsè scur e duminâ par i téma 'd èsar da par lò (i sìngui '''Them bones''', '''Angry chair'''), dla guèra ('''Rooster''') e dla dipendénsa ('''Sickman''', '''Junkhead''', '''Down In a Hole''' e '''Dirt'''), i àṅ fat crédar in cal mumént lè che ''Layne Staley'' al fus un drugâ pódag. Adès a s sà che gran part ad cal vóśi lè i èran véri. Stés dascórs p'r al basìsta ''Mike Starr'', ch'al mularà al grup par cla dipendénsa lè (li lò 'l è pò stâ vist in dal Maǵ dal 2009 a [[New York]] sunàr in na ''cover band'' di Alice in Chains stés).
 
{{CITAZIONE2|I believe them bones are me, some say we're born into the grave, I feel so alone, gonna end up a big ole pile a them bones...|Mè a créd che chi òs lè i sìan mè, qualchidòṅ al diś ch'a sém nâ in na tómba, a m sènt acsè da par mè quand a s và a finìr in na mùcia 'd òs...|'''Them bones''', ''1992''|DIALETTO={{Mud}}|LINGUA={{En}}}}
 
[[Categoria:ER PERSONAGGI]]
22 457

contributi