Platån

Platån (in grécc Πλάτων) ( 427 prémma ed Crésst – 347 prémma ed Crésst) al fò un filósof grècc, sculèr ed Sócret e màsster d'Aristotel; la so influänza cme autåur e sistematizatåur l’è di mondi impurtänta par totta la stòria d’la filosofî dal månd ed sîra, tant ch’as dîs che tott qual ch’i éter filòsof dgénn dåpp, î cupiénn såul da lò. Al sò ovri piò impurtant én i dscurs La Ripòbblica (in grécc Πολιτεια, politeia, "zitè"), indòvv as dscårr d’un stèt ideèl; al Fedro, indòvv as vadd tott quall ch’al dè vètta a la psicologî; al Timeo, un scrétt ed cosmologî raziunèla influenza dai matemàtic pitagoric; e al Teeteto, al pret studi par dèr dal régol a la filosofî d’la siänza.

Riproduziån d’un bòsst ed Platån

Dal cònt chi én cuntgnò int’al Timeo e int’al Critias, dénn uréggin a la fola d’Atlàntide.

Platån fundé anch’l Academia d'Atene, indòvv al studié anch’ Aristótel.

Platån al tol pèrt anch’ agli insegnamént int’l Académia.