Chebèch: differenze tra le versioni

Al '''Chebèch''' (in [[Francés|fransaix]] ''Québec'', /keˈbɛk/) ’l é na pruveinsia dal [[Cànada|Canadà]], la pió granda pr estensioun e la secounda pió populê dla Federasioun doap edl [[Ontario|Untari]].
Coun la sau laingua, la sau cultura es el sau institusioun, al é ''de facto'' na nasioun draint al Canadà.

Al fa pêrt dla regioun ciamê dal Canadà fransaix, par la pió ’d laingua fransaixa. La varietê dal fransaix ch'al veign bacajê par ’d sti band ché ’l é al fransaix dal Chebèch.
Al Chebèch ’l é la soula pruveinsia canadaixa int la quêl al [[Inglés|inglaix]] ’l é brixa laingua ufisiêl, e ona del dou int el quêl al fransaix ’l é ufisiêl (l’êtra l’é al Nauf Brûnsvich, in fransaix ''Nouveau-Brunswick''). Quej ch'i dscoarn inglaix int al Chebèch en na minuransa argnusû de la lèz.

I su 8 326 089 carstian, ciamê chebecaix, en al 24% dla populasioun tutêla dal Canadà.
Al Chebèch as câta del band canadaixi ’d mateina, anca se [[Terranova e Labrador|Teranauva e Lâbrador]] es el tse det "pruveins marètmi" (Nauf Brûnsvich, Nauva Scôsia, Ixla dal Prainsip Duvêrd) ej s câten incoar pió a mateina.