Bloody Nightmare: differenze tra le versioni

|Atùr=[[Betsy Russell]] • [[Leif Garrett]] • [[Lorie Griffin]]<br>[[Lucinda Dickey]] • [[Travis McKenna]] • [[Teri Weigel]]<br>[[Rebecca Ferratti]] • [[Vickie Benson]] • [[Tom Habeeb]]<br>[[Buck Flower]] • [[Krista Pflanzer]] • [[Craig Piligian]]

L’''Alison Wentworth'' ([[Betsy Russell]]), mémbra dla squàdra di „aligadōr“ cmandàda p'r al sò muróś ''Brent Hoover'' ([[Leif Garrett]]), la s cata in dal camp „''Hurrah''“, sit in un bòsc, par tōr par a na cumpetisiòṅ ad [[cheerleader]] insém a 'l sò cumpàgni ''Theresa'' ([[Rebecca Ferratti]]), ''Pam'' ([[Teri Weigel]]) e la ''Bonnie'' ([[Lorie Griffin]]) méntar la ''Cory Foster'' ([[Lucinda Dickey]]) la fà la mascotte e cal ciciòṅ ad ''Tim'' ([[Travis McKenna]]) al tifóś. L’''Alison'', ch'la gh'à l'[[angùstia]] dla gara e la fà di brut insùni la nòt, l'è custréta a tōr dal madśìni par mét'r-as chiéta.

Méntar l’''Alison'' la s prepàra, ''Brent'' al taca a far al galét cun na ragàsa dn'atra squàdra, la ''Suzy'' ([[Krista Pflanzer]]), che però la 'l para via subìt. La matìna dòp chi lē la vîṅ catàda mòrta in dal sò lèt c'n i pōls tajâ e tut i pénsan ch'la s sia tòlta la vita tant ch'la respunsàbila dla gara, la miss ''Tipton'' ([[Vickie Benson]]), la n ciàma gnanc la pulisìa p'r a n avēr minga di prubléma e di risć ad far sù baràca e buratèṅ. Quànd l’''Alison'', catànd al cadàvar in dla cambra-frîg dla strutùra, la ciàma 'l sierìf ''Poucher'' ([[Jeff Prettyman]]), la ''Tipton'' la s mét 'd acòrd sèg par far-ag srar 'n òć in cambi dna ciuladìna.

Esénd ch'l’''Alison'' la n s la sènt minga 'd far sès cun ''Brent'', chi lò al taca a pruàr-ag cun la ''Pam'' ch'la n spetàva àtar. Quànd chi lē a 'l ùltim la s tira indrē, parchè la n vōl minga dana stòria da dū cōlp e via, al ragàs incasâ al la lasa in dal fiùm in du i s éran lugâ par gusàr, pò qualchidòṅ al la masa insfilsànd-ag di furbśòṅ in dla gnuca.