Meteor Storm: differenze tra le versioni
Creata pagina con "{{Metacaixa |id=0 |color= |bt1=Miranduléś |bticona1=16px |ps1= __NOTOC__ {{dialort | dial=Miranduléś}} {{Film |Foto=Meteor Storm.png |Didascalia=La Kari Matchett in na figùra dal film |Tìtul uriginäl=Meteor Storm |Tìtul in ITA= |Tìtul in EML=Timpèsta 'd meteurît |Ann=2010 |Regia=Tibor Takács |Scritùr=Peter Mohan • Rafael Jordan |Atùr=Kari Matchett • Michael Trucco • Brett Dier<br>Kirsten Zien • E..." |
(Nessuna differenza)
|
Versione delle 18:38, 27 Dec 2021
|
C'l artìcul chè 'l è scrit in
Miranduléś |
 Meteor Storm
| ||
 La Kari Matchett in na figùra dal film | ||
| Timpèsta 'd meteurît 2010 | ||
|---|---|---|
| Regìa: Tibor Takács | ||
| Scritōr: Peter Mohan • Rafael Jordan | ||
| Atōr: Kari Matchett • Michael Trucco • Brett Dier Kirsten Zien • Eric Johnson • Kevin McNulty Travis Nelson • Emily Holmes • Viv Leacock | ||
| Müsica: Jim Guttridge | ||
| Léngua: Inglés | ||
| Dürä dal film: 90 minüt | ||
| Nasiōṅ: Stat Unî | ||
Meteor Storm (Timpèsta 'd meteurît) 'l è 'n film catastròfic americàṅ par la televiśiòṅ dal 2010 ad Tibor Takács
'L è stâ girâ a Vancouver, in Cànada.
Sunt
Na piōva 'd meteurît, in arìṿ da la custelasiòn ad Casiupèa, l'è prevìsta in dal cēl dla Califòrgna a 'l primi óri dla matìna. L'astrufìśica Michelle Young (Kari Matchett), insém a dimóndi àtar sitadèṅ 'd San Francisco, l'è prònta a gudér-'s al spetàcul quànd, a 'l impruvìś, un squantèr'n ad giaròṅ spasiài al taca a culpìr la sità esénd ch'i n s èṅ minga dasfàt a cuntàt cun l'atmusféra. Soquànta gint la mōr, di àt'r i armàgnan frî cuma Brad (Travis Nelson), al muróś segrét ad sò fiōla Kara (Kirsten Zien) ch'l'éra lè insém a sò fradèl Jason (Brett Dier).
La siensiàda la n sà minga dar dal spiegasiòṅ a 'l culunèl Jack Clancy (Viv Leacock), culéga e amìg ad sò marè Tom (Michael Trucco), ch'al lavóra p'r i federài e p'r al generàł Brock (Kevin McNulty). 'L óm al gh admànda 'd andàr sèg par jutàr-i in dl'emergénsa méntar 'l inviâ televiśìṿ Kyle Kemper (Eric Johnson), insém a la sò culéga Lena (Lara Gilchrist), 'l è in gir a tiràr śò incòsa tintànd ad far al scoop.
Méntar sò surèla Laura (Emily Holmes) la mōr in dal crudamènt dal pònt Golden Gate, la Michelle la capìs ch'al maśàgni di meteurît i èṅ fat d'l elemènt 120, 'l unbinìli, e ch'i èṅ dirèti tuti vèrs l'ìśula 'd Alcàtraz esénd ch'in dal fónd dla baja a gh'è di rèst ad meteurît vèci ad c'l elemènt lè ch'i li tìran da la sò banda cun 'n efèt magnètig.
Al generàł Brock 'l è prònt a sparàr soquànt mìsii nucleàr ma 'l gh'à anc biśógn d'l ajùt di rus.