Neglèria fowleri: differenze tra le versioni

La viṿ in di àqui dōlsi di [[fiùm]] e di [[lâg]] in dua la s cata bèṅ quànd i èṅ caldi méntar s'la temperadùra la s arbàsa 'd sóta di déś grâd la s sèra 'd dèntar dna cisti par prutéś'r-as. La scampa bèṅ anc da par lē ma a difarénsa dgl'atri dū spéci ad ''Neglèri'', la ''Neglèria gruberi'' e la ''Neglèria lovaniensis'', la pōl dvintàr anc un parasìta patògen par 'l óm cauśànd un mâł ciamâ [[Meningoencefalît amébica primària]] ch'la pòrta a la mòrt in dal 97% di caś in dal gir dna stmana. S'un qualchidòṅ a vîṅ in cuntàt cun la ''Neglèria'' tirànd sù p'r al naś dl'àqua in dua a gh 'n è, bvénd-la a n sucéd gnint invéci, l'améba la s fà strada p'r i bulb ulfatìṿ e la riva a 'l [[sarvèl]] in dua la s multiplìca magnànd-al in quàt'r e quàt'r-òt<ref>[https://www.corriere.it/salute/malattie_infettive/20_settembre_28/texas-ameba-mangia-cervello-rete-idrica-120-mila-senza-acqua-eb701dcc-015d-11eb-af0b-6e1669518b1a.shtml Tèxas, améba magna-sarvèl in dla réda ìdrica: in 120 mila séns' àqua] ''Corriere.it'', 28 ad Setémbar dal 2020</ref>. Dòp soquànt dè ad [[févra]], [[gòmit]], [[mâł ad tèsta]]<ref>[https://www.corriere.it/salute/dermatologia/20_febbraio_18/costa-rica-ameba-mangia-cervello-colpisce-bimba-4-anni-e044bc60-5252-11ea-ac26-d47429c3b2e0.shtml Còsta Rica, améba magna-sarvèl la culpìs na putìna 'd 4 an] ''Corriere.it'', 18 ad Favràr dal 2020</ref>, alucinasiòṅ e [[còma]], la parsòna ch'la 'l ciàpa l'è praticamènt cundanàda.