Strêda Statêla 63 dal Pâs dal Cerēto: differenze tra le versioni

La '''Strêda Statêla 63 dal Pâs dal Cerêto (SS 63)''', (Strada Statale 63 del Valico del Cerreto in [[italiân]]) fîn a [[Rèz]], o '''Strêda Pruvincêla 63 R dal Pâs dal Cerêto (SP 63 R) ''', (Strada Provinciale 63 R del Valico del Cerreto (SP 63 R) in [[italiân]]) da Rèz a [[GualtêrGualtēr]], l’é ‘na strêda statêla e regionêla ch'la colêga la [[Tuscâna]] a l' [[Emélia-Rumâgna]]. La cumîncia int al cmûn d’[[Aóla]], da un cruşîl cun la [[Strêda Statêla 62 ed la Cîsa]]; la và vêrs l’[[Apenèin Tôsch-Emiliân]], la tòca [[Fivisân]], Sasêlb, la pâsa al [[Pâs dal Cerêto]], in dōve la strêda la va dèinter l’ Emélia Rumâgn, la travêrsa [[Culâgna]], [[Busâna]], [[Castelnōv di Mûnt]], [[Casîna]], [[Puianèl]], [[Rivêlta (Rèz)|Rivêlta]]; dôp ed pôch la và dèinter ed Rèz la và fôra a mezanôt ed la sitê. Dôp Rèz la travêrsa [[Cadelbôsch ed Sōver]], Cadelbôsch ed Sòt, Sânta Vitôria e la rîva a [[GualtêrGualtēr]], inséma al [[Po]], dōve l’ a’s zûnta ind al trât pruvincêl ed la vècia [[Strêda Statêla 62 ed la Cîsa]].

In sègvit al Decrêt Legislativ n°112 dal 1998, dal 2001, la gestiòun dal trât Rèz - GualtêrGualtēr l’é pasêda da l’ [[ANAS]] a la Regiòun [[Emégglia-Rumâgna|Emélia Rumâgna]] che a só vôlta l’à girê al prâtichi a la [[Pruvîncia ed Rèz]], ch’ l’à gh’à dê al nòm de strêda pruvincêla ('''SP 63 R''') , perché in Emélia Rumâgna an gh’é mìa l’elèinch dal Strêdi Regionêli.

Al gvêren napoleônich, ch'al gh'îva ind al fêr al strêdi e pûnt òna dal pió grôsi precedèinsi civîli e militêri, l'à tôt in mân ed nōv al prugèt estèins pinsând un colegamèint fr' al [[mêr Légor]] e al [[mêr Adriàtich]] a travêrs al [Dipartimèint da Cróstel]] (al nōv nòm dê a la [[pruvîncia ed Rèz]], sistemând la strêda dal Cerêto fra réz e La Spèsia d'ed che arnuvând al Canêl Navéli, véia d'âcva navigâbila ch'a's coleghêva al Po atravêrs al localitê ed [[Mancaşêl]], [[Bagnôl in Piân]], [[Nuvalêra]], [[GualtêrGualtēr]]. Dal prugèt ed la strêda l'é stê ed nōv, cun di êter espêrt, incarichê l'inzgnêr Bolognini, che al l'à preşentê int al 1808. Al navèli Rèz-Po l'é stê, al tót al manēri, sistemê al 'stès ân, mèinter i lavōr ed la strêda ed l'Apenèin andêven avânti adêşi.