Bibiân: differenze tra le versioni

{{Variant|ARZ}}

'''Bibiân''' (Bibbiano in [[italiân]]) l'é un cmûn ed 9.077 abitânt ed la [[pruvîncia ed Rèz]] més a 17 Km tra mezdé e sîra ed [[Rèz]] e tajê da la [[Ferovéi Arzâni| ferovéia Rèz- Canòsa]].

 

==Stòria==

Tânt i rèst rumân saltê fôra in sègvit a catêdi ed rôba antîga cme tericôti, cerâmichi, rôbi ed cà. L'é sōl cun l'etê medioevêla che la stòria ed Bibiân la dvèinta pió precîşa atravêrs un prém cèinter abitê lòungh a la strêda ch' la purtêva al furtificasiòun che dêven inséma al [[Èinsa]], e che ed còli a gh'armâgn la masésa costrusiòun furtifichêda ciamêda "Turâs". Ind al sècol XII la stòria ed Bibiân l'a's lîga in môd ch' an 's pôl mìa şlighêr al vicèndi di [[Matélda ed Canòsa|Canòsa]], cme l'arcôrda ânch al stèma cumunêl. Int al 1155 al bōregh al srà dal tót més dèinter al fèdev canòsiân ed Bianèl, mèinter 'n' êtra localitê bibianèişa, Piasōla, l'êra bèlo da préma dèinter al fèdev. Ed la faméja di Canòsa Bibiân l'à segvî al vicèndi fîn al XVIII sècol, quând al pasêva a i marchèiş Gabbi (1757). Da divêrs stódi a s'é fât l'idèja che in ûn cunvèint benedetèin ed Bibiân în stêdi mési per sèimper al règoli ed la risèta per la prudusiòun dal [[Grâna]]. Bibiân l'à utgnû l'indipendèinsa cumunêla a l'època dal Dipartimèint dal Cróstel, mèinter cun la caschêda ed Napoleòun, j Este a l'àn més insèm a [[Muntèc]]. Al muciarà la grandèsa d'adès sōl int al 1860. Divêrsa da còla bibianèişa la stòria ed la frasiòun ed Bêrch (per dimòndi tèimp lighêda a Muntèc e a [[Pèrma]]), andêda a fêr pêrt dal cmûn ed Bibiân sōl dôp l'Unitê.

 

 

{{ProvREGGIO}}

 

[[en:Bibbiano]]