Prodigy: differenze tra le versioni

In dal 1997 a véd la luś '''The Fat Of The Land''' (''Al gras dla tèra''), al tèrs e più vindû disc dla lōr discugrafìa (10 migliòṅ ad còpi vindùdi a rivàr a Setémbar 1998), purtâ in élt da la ''Firestarter'' d'l an prima e da di àtar sìngui cuma '''Breathe''' e la discùsa '''Smack My Bitch Up''' (''A pić la mè putàna''), cinsuràda in dal [[Régn Unî]] par via dal tèst e dal vìddeo dimóndi scandalóś e viulént girâ cun l'atōra pòran ingléśa [[Teresa May]]. Al disc al finìs listés a 'l prim pòst in vint-a-dū paéś ([[Stat Unî]] cumpréś) anc se i genitōr i gh daṅ adòs parchè i dìśan che ''Flint'' al fà paùra a i putèṅ e anc la cantànta [[Madonna (cantànta)|Madonna]], ch'la vénd al disc in di ''States'' sóta la sò etichéta ''Maverick'', la vrév ch'i s dìsan na giustàda par via di tèst śbucâ asè, ma a lōr a n gh in fréga gnint, i vōlan far [[schiva]] dabòṅ, acsè i dìśan <ref>[http://archiviostorico.corriere.it/1997/agosto/05/Prodigy_censurati_anche_Madonna_co_0_9708058563.shtml Prodigy cinsurâ anc da la Madóna] ''Corriere.it'', 5 'd Agóst dal 1997</ref>. Al braṅ '''Fuel My Fire''' al sarà pò cantâ anc par gl'[[L7]], un grup ad fémni rabìdi.