Al '''rusc'''<ref>{{carpś}} e {{it}} In dal ''"Dizionario del dialetto carpigiano"'' daled Grasiàn Malagòli e dl'Anna Marìa Ori, [[Mòdna]] 2011, a s escrìv: ''„'''russch'''”''.</ref> (''pattume'' in [[itagliàṅ]]) 'l è tut cal materiêl che, in post diferèint, al n'es dróva più, e alòra a bśògna desfèr's-en e śbàt'r-el vìa; a s ciàma '''rusc''' anc'al só cuntenidōr (in del cà la s ciàma anc "'''ruscaróla'''").<ref>{{carpś}} e {{it}} In dal disiunàri "Dèscòrèr Càrpšan" ed Massimo Loschi, novèmber 2016, a s escrìv: ''„Rôba spôrca da tór sù cun la '''rùscàróla'''”''.</ref><br><br>Mèinter che na vòlta a n'se śbatìva vìa quèśi gnìnt, ch'a gh'era dla miśéria e a s serchèva 'd druèr na secònda e na tersa volta tùt i lavōr, mo invéci in dal secònd [[1900|Novsèint]] a s è śbatû vìa incósa e in dal manéri più stremnèdi e indiferèinti, ch'a gh'era 'l bum econòmic. In di [[sircundàri]] di paéś, dop ch'a s era tolt sù 'l rùsc ed lung el stredi e 'l cà c'n al só [[càmion]], i s mucèv'n acsè, soquànt mùć ed rùsc a forma 'd [[culèina|culèini]], cun soquànt dàn p'r al bliśgamèint di só liquàṁ śò 'd lung a l'[[àqua]] ch'a stà sòt tèra.<br>Mo però in di ùltem tèimp invéci, a s è guardê de piò a fèr calèr i diśàster per 'l [[ambînt]], che 'l trôp rùsc mucê diśurdnê al pōl fèr gnìr: alóra, cun soquànti arcmandasiòun, in più [[cumùn]] a s è decîś ed cucèr vers dagli inisiatìvi per la '''[[racòlta diferensièda|racòlta diferensièda dal rusc]]''', d'indû al stès rùsc, diferensiê per qualitê in dal mumèint ch'a 'l s fica vìa e dòunca śbatû in diferèint [[casunèt]] divîś apósta, al gh'la chèva 'd gnìr śmaltî più in fuga, cun soquànt recùper ed matéria prìma, e cun meno dàṅ per 'l ambînt dintórna.
