Luiśiàna: differenze tra le versioni
Contenuto cancellato Contenuto aggiunto
mNessun oggetto della modifica |
mNessun oggetto della modifica |
||
Riga 21:
La sò capitàl l'è [[Baton Rouge]] ma la sò sità più granda l'è [[New Orleans]]. Àtar sènt'r impurtànt i èṅ, in d'l órdan, [[Shreveport]], [[Metairie]] e [[Lafayette]] ch'i pàsan tut i sènt-mila abitànt. La ''Luiśiàna'' la gh'à ssanta-quàtar paròci (a 'l pòst da 'l cuntèi) e tarśènt-trî cumùṅ. Al stat al gh'à na superfìsi ad 135.382 km² méntar la sò pupulasiòṅ l'è 'd quàtar migliòṅ e siē 'd abitànt a 'l incìrca, divìśa fra 'n 62,6% ad biànc e 32,0% ad négar.
La cunfìna a nòrd c'n al [[Arkànsas]], a èst c'n al [[Missisìpi]], a sud c'n al [[Gōlf dal Mèsic]] e a òvest c'n al [[Tèxas]]. La sò tèra la s è furmàda c'n i scart dal pasàǵ dal fiùm [[Missisìpi (fiùm)|Missisìpi]] e l'è pîna 'd [[padól|padói]] e dimóndi sit vérd, c'n in mèś anc dal piànti magna-carna, in du i gh vìvan dal bèsti salvàdghi cuma 'l [[Ìbis]], al [[rana|rani]] e i [[sturiòṅ]]. A gh'è sèmpar paùra ch'in dal sò teritòri i pòsan rivàr di siclòṅ e di uragàṅ trupiucài, in mèdia a gh 'n è vint-sèt a 'l an, specialmènt da Śnar a Mars.
Cuma dimóndi stat dal sud la ''Luiśiàna'' l'è sèmpar stada da la banda di demucràtic in dgl'elesiòṅ p'r elèś'r al presidènt di [[Stat Unî]] di di an dla ricustrusiòṅ ma dòp la [[secónda guèra mundiàla]] 'l à tacâ a butàr 'l òć da la banda di republicàṅ o vèrs di candidâ 'd un tèrs partî. Da 'l 1980 in avànti però l'è pasàda decìśa p'r al partî cunservadōr a part quànd al candidâ demucràtic l'éra 'd un stat dal sud cuma [[Jimmy Carter]] dla [[Geòrgia (USA)|Geòrgia]] in dal 1976 o [[Bill Clinton]] d'l [[Arkànsas]] in dal 1992 e in dal 1996. Al sò guvernadōr, da 'l 2016, 'l è però 'l demucràtic [[John Bel Edwards]].
| |||