Po: differenze tra le versioni
Contenuto cancellato Contenuto aggiunto
m robot Aggiungo: mr:पो नदी |
Nessun oggetto della modifica |
||
Riga 2:
{{CASSETTO|FRA|Po}}
Al '''Po''' l'è al fium più lung d'Italia (652 chilomatri). I greci i g'avea miss nom '''"Eridano"''', po dòp i antigh rumàn i à tacà a ciamaral '''"Padus"''' (i dìs c'al sia parché a gh'iera un mucc ad pin selvatigh da vsin al fium), cl'è dvantà "Po" in tal vulgar, e in quò al's ciama cumpagn in italiàn e in tutt i dialett d'il pòst in du'c al pasa. Al Po al vien zò dal Monviso, in Piemont, e al traversa par il lungh tutt l'Altitalia, da ovest a est, e al và a finir in tl'Adriatic, tra [[Frara]] e [[Ruìg]]: al's verz in't un gran delta in sett rami difarent. A'l g'ha un mucc d'afluént, parché tutt i fium dal nord-ovest (quì dal Piemont e dla Lumbardia e dla Liguria e d'i Apenìn emiliàn) e anc'un par dala Svìzera i va a finir in tal Po.
Tuta la pianura par du'c a pasa al Po, c'la va da Turin infin al mar, la's ciama '''[[Pianûra Padâna|"Pianura Padana"]]''', la più granda pianura dl'Italia e in du'c a stà anca '''Frara''', c'lè una dle zità più impurtant da vsin al Po (anca parché la stòria ad Frara la dipend purasà dal sò fium); altar pòst impurtant sul Po i è: Turin, Piasénza, Cremona, Viadana, [[Gualtêr|Gualtieri]], [[Guastâla|Guastala]], Ostilia e Revere, Gòr; mo anca [[Pavia]], [[Mantua]], [[Parma]] e [[Ruìg]] i è brisa tant luntan (a [[Parma]] a gh'è la sede dl'"Agenzia interregionale per il Po", quél ca prima a's ciamava al "Magistrat par'l Po").
In pianura al Po l'è quasi dapartutt navigabil; da Cremona infin al mar a pò zirar anca il "drag", di gran barcun ch'i và su e zò con d'il cargh ad merzz. La Pianura Padana l'è una d'il terr più fertil d'Italia e l'è pina d'industri, par quest l'è sempar stada na zona purasà rica, specialment dop il bunifigh d'il secul pasà.
Frara, a s'è dit ad ciòra, l'è la zità più ligada al fium: l'è sorta in tal Medioevo pròpria sla riva dal fium, c'alòra la i'éra al cunfin tra'l Regn Lungubard e l'Impero bizantin. Il sò strad le i'éra quasi tutt d'il vie d'acqua cumpagna a Vnezia e al temp d'i Estens al Po al difandea la zità da i nemigh furastiér; par difendars dai Veneziàn i Estens i avea infin fat spustar al cors dal fium da sott a sopra Frara (in du'c l'è ancor'adess), acsì c'anca la foce l'è cambiada: prima la i'éra da vsin a Ravena (e al Rén, al fium ad [[Bulåggna|Bulògna]], a'l iera n'afluent dal Po), mentr'adess l'è al Delta c'a gnussen tutt.
| |||