A Bug's Life - Megaminimondo: differenze tra le versioni

Drē a finìr l'[[istê]], da mêś a 'n grùp ed furmìghi a taca a gnìr-egh dl'agitasiòun perchè a s eśvèina al dè 'd paghèr al dasi 'd briśi e smèinsa da śibìr a 'l [[cavalèta|cavalèti]] vesadóri.<br>El furmìghi i gh'avrèven anc na só manéra urdnèda ed tōr sù el provìsti per 'l invèren, mo cal dasi lè p'r el cavalèti al 'l i cùcia a lavurèr più dl urdinàri. Al furmighìn Flik, un pò più stravagànt 'd chièter, al strolga sèimper dagli invensiòun per pasiòun e in cal mèinter lè 'l iva anc pruvê a met'r in pē na machina ch'la catèva sù la smèinsa più in fuga che coi só śanpèt. Flik al n cata minga tant al beinvlēr dla comunitê, vō-'t perchè 'l è trôp estràmb, vō-'t perchè al n's adàta minga a lavurèr 'd fadìga come tùt chièter, mo però invéci al cata la sinpatìa dlaedla principèsa Atta, che in na quèlc manéra l'al catagh'pêr interesànt.<br>Al mumèint deciśìv ed śibìr al dasi a 'l cavalèti 'l è 'rivê mo... nò, Flik al gh'la chèva, coi śmanèś diśurdnê dal só trabìcol apèina invintê, a 'rbaltèr tùta la smèinsa catèda sù, śò in na posa 'd [[àqua]] lè atēś.<br>"Pusìbil ch'el furmìghi i n's àpien minga śibî al nost'r avér?!" Hopper, al cmandànt dal cavalèti 'l è furiōś ch'a n's'era mài vìst, col furmìghi. Tira e mòla descurènd pò ed responsabilitê e sighènd cun la Regìna che cla mancànsa chè la n's àpia più da ripéter, el cavalèti i lasen soquànt èter tèimp a 'l furmìghi ch'i gh'déven preparèr al dasi dòpi prìma dl avtùn. Gh'la cavaràn-i chilōr?!