Porky's - Questi pazzi pazzi porcelloni: differenze tra le versioni

Contenuto cancellato Contenuto aggiunto
Nessun oggetto della modifica
mNessun oggetto della modifica
Riga 37:
Un grup 'd amìg ch'i stùdian insém in un ''college'' dla [[Flòrida]] al s mét in tèsta ad far ciulàr par la prima vòlta in dla sò vita ''Edward Morris'' ([[Dan Monahan]]), dit "Pipîṅ", ch'l è incóra vìrgin. Dal grup i faṅ part, fra i àtar, ''Tommy'' ([[Wyatt Knight]]), ''Billy'' ([[Mark Herrier]]), ''Mickey'' ([[Roger Wilson]]) e ''Anthony Tuperello'' ([[Tony Ganios]]) ch'al s pòrta sèg al [[scutmàj]] ad "Pilòṅ" par via dal sò pigugnìṅ bèl grôs. Chi lōr, anc par via di sò an, i pènsan sèmp'r a 'l sès. Un dè, mént'r i śógan a ''basket'' in dla palèstra dla scōla, 'l alenadōr ''Roy Brackett'' ([[Boyd Gaines]]) al gh la cava a far-as l'insgnànta ''Lynn Colamiele'' ([[Kim Cattrall]]), una ch'la pèrd la tèsta quànd la sènt 'l udōr di masć e l'è cgnusùda anc cuma "Lassie" parchè, quànd la 'l tōś, la siga cuma na [[Can|caggna]]. Par cal mutìṿ lè, tut chi àtar i sènt'n incòsa.
 
Par far in manéra ad far pruàr al stés quèl anc a ''Pipîṅ'', al grup al dà di bèsi a na [[putàna]] par far sès sèg a tùran, ma lē la gh tira 'n schèrs tgnénd-as i bèsi sénsa far gnint.
 
Na sira, par divertìr-'s insém, i amìg i decìdan 'd andàr a spasàr-'s-la in dal lucàl ad ''Porky'' ([[Chuck Mitchell]]), in dua dal dóni i bàlan e i s càv'n anc śò. Dòp avér-ag tòlt tut i bèsi, cal ciciòṅ là al s fà śōg ad lōr faghénd-i cascàr śò in dla palûd. I śóvan i próan a far-as dar indrē incòsa cuntànd tut a 'l sierìf ''Wallace'' ([[Alex Karras]]) ma 'l è listés che ciucàr na spòrta róta parchè qvést chè a n è àtar ch'al fradèl ad ''Porky''.