Curnuvàglia: differenze tra le versioni
Creata pagina con "{{Metacaixa |id=0 |color= |bt1=Miranduléś |bticona1=16px |ps1= __NOTOC__ {{dialort | dial=Miranduléś}} File:Mousehole-0b.gif|145px|thumb|..." |
(Nessuna differenza)
|
Versione delle 13:54, 25 Zógn 2016
|
C'l artìcul chè 'l è scrit in
Miranduléś |
.svg)
La Curnuvàglia (Cornwall in ingléś, a s lèś [ˈkɔːnwɔːl] o [ˈkɔːnwəl], Kernow in còrnig, a s lèś [ˈkɛɹnɔʊ]) l'è na cuntèa ingléśa ch'la s cata in dl'umònima penìśula dla Gran Bretàggna, in dal sud-òvest dal paéś, sénsa però la cuntèa dal Devon e 'd bòna part ad qvéla Somerset.
Esénd una dal siē nasiòṅ sèltichi, in dla regiòṅ a s dascór, ólt'r a 'l ingléś, anc na léngua imparentàda c'n al Galéś e c'n al Brètun, al Còrnig (Kernowek, Cornish in ingléś).
Al sò sènt'r aministratìṿ 'l è Truro, na sitadìna più pìcula 'd Miràndla, méntar la sò capitàla stòrica l'è Bodmin ch'la n fà sù gnanc gl'abitànt ad Cuncòrdia. Cuntànd anc gl'ìśuli Scilly, ch'i s càtan a 45 km da la còsta, la Curnuvàglia la riva a 3.563 km² e la mùcia sù sincsènt-mila abitànt a 'l incìrca.
La regiòṅ, divìśa in sèt circuscrisiòṅ, l'è la più pòvra dal Régn Unî. La sò ecunumìa la pōl cuntàr su 'l turìśum e la pésca. Al sò clima 'l è 'l più cald dla Gran Bretàggna, a s và in mèdia da i òt grâd d'l Invér'n a i daśnóṿ dl'Istâ, ma a gh'è anc un muć ad vènt.
Dòp al referéndum dal 23 ad Śugn su la Brexit, in du la Curnuvàglia l'à vutâ par dastacàr al Régn Unî da l'Ugnòṅ Européa, al cap dal cunsìli dla Curnuvàglia John Pollard 'l à fat 'n apèl par cuntinuàr a ciapàr listés i bèsi ch'la gh dava l'UE in ajùt, a s dascór ad ssanta migliòṅ ad sterlìni 'l an, e ad far in manéra ch'in di negusiâ a s téggna in a mènt ch'a gh'è da cuntinuàr a prutéś'r-la cumpàgn a prima[1].
Nòti
- ↑ La Curnuvàglia la vōta p'r al Brexit ma pò la sùplica ch'la vōl cuntinuàr a ciapàr i fónd dl'UE Indipendent, 25 ad Śugn dal 2016