Rusc: differenze tra le versioni

[[File:Boys picking over garbage on "the dumps." Boston, Mass. - NARA - 523218.jpg|350px|thumb|right|Di ragasōl ch'i sernìsen in mêś a 'l rùsc a Boston in na foto 'd [[Lewis Hine]] 'd inìsi Novsèint.]]

[[File:Lomé-Déchets.jpg|350px|right|thumb|Soquànt śmistamèint ed rùsc in dal sèint'r ed Lomé in dal [[Togo]].]]

 

Al '''rùsc''' 'l è tut cal materiêl che, in post diferèint, al n'es dróva più, e alòra a bśògna desfèr's-en e śbàt'r-el vìa; a s ciàma '''rùsc''' anc'al só cuntenidōr (in del cà la s ciàma anc "'''ruscaróla'''").<br><br>Mèinter che na vòlta a n'se śbatìva vìa quèśi gnìnt, ch'a gh'era dla miśéria e a s tgnìva da cât de tut, mo invéci in dal śgònd Novsèint a s è śbatû vìa incósa e in dal manéri piò stremnèdi e indiferèinti, ch'a gh'era 'l bum econòmic, mucènd acsè in di [[sircundàri]] di paéś, dop ch'a s era tolt sù 'l rùsc ed lung el stredi e 'l cà c'n al só [[càmion]], soquànt mùć ed rùsc a forma 'd [[culèina|culèini]] (cun soquànt dàn p'r al bliśgamèint di só liquàṁ śò 'd lung a l'[[àqua]] ch'a stà sòt tèra).<br>Mo però in di ùltem tèimp invéci, a s è guardê de piò a calèr i diśàster per 'l [[ambînt]], che 'l tròp rùsc mucê diśurdnê al pōl fèr gnìr: alóra, cun soquànti arcmandasiòun, in più [[Cumùn]] a s è decîś ed cucèr vers dagli inisiatìvi per la [[racòlta diferensièda|racòlta diferensièda dal rùsc]], d'indû al stès rùsc, diferensiê per qualitê in dal mumèint ch'a 'l s fica vìa e dòunca śbatû in diferèint casunèt divîś apósta, al gh'la chèva 'd gnìr śmaltî più in fuga, c'n un sert recùper ed matéria prìma, e cun meno dàṅ per 'l ambînt dintórna.