Irina-Camelia Begu: differenze tra le versioni

L’'''Irina-Camelia Begu''' ([[Bùcarest]], 26 'd Agóst dal 1990) l'è na tenìsta ruména.

 

 

L'è élta 181 cm e la péśa 67 chilo. La dróa al bras dèstar e la tira 'l arvèrs a dū maṅ. In dla sò caréra, in dal sircùit [[WTA]], l'à vins dū tìtui in singulàr e quàt'r in dópi ólt'r a ùndas in qvél [[ITF]]. Al 12 'd Utóbar dal 2015 l'è rivàda a èsar la nùmar vint-sinc dal mónd.

 

In dal 2011 la vins 'l turnèo [[ITF]] da sènt-mila dòlar ad [[Cali]] baténd la spagnōla [[Laura Pous Tió]] pò in Avrìl la riva in finàl in d'l ''international'' ad [[Marbella]] baténd lung la via l'[[Alberta Brianti]], l'[[Estrella Cabeza Candela]], la [[Klára Koukalová]] e la [[Svetlana Kuznecova]] prima 'd pèrdar cun la [[Viktoryja Azaranka]] par 3-6 2-6. In Śugn la fà sudàr la [[Flavia Pennetta]] a [[Wimbledon]] pardénd-ag sōl par 6-7 6-4 2-6. A [[Bùdapest]] la pèrd in finàl da cl'atra salintìna, la [[Roberta Vinci]], par 4-6 6-1 4-6. In Luj la s mét in bisàca 'l [[ITF]] da sènt-mila dòlar ad cà baténd incóra la [[Laura Pous Tió]]. In Agóst la riva in semifinàl a [[Dallas]] in dua la ciàpa na scòpla da la [[Sabine Lisicki]] ch'la vins sèg par 6-0 6-1. La finìs 'l an in dal primi quàranta dal mónd.

 

In dal 2012 la riva in semifinàl a [[Acapûlc]] ma la s férma cun la [[Flavia Pennetta]]. A [[Barcelóna]] la fà prim tùran cun la [[Sara Errani]] (6-7 4-7 al puntéǵ) e la fà cumpàgn anc a [[Bùdapest]] cun l'[[Alberta Brianti]], a [[Madrid]] cun la [[Marija Šarapova]] e a [[Straśbûrg]] cun la [[Su-Wei Hsieh]]. A [['S-Hertogenbosch]] la pèrd al sò incóntar dal secónd tùran cun la [[Francesca Schiavone]] par 2-6 6-2 6-7 quànd l'éra avànti 6-0 in dal [[tie-break]]. A [[Palèrum]] l'incróśa incóra l'[[Sara Errani|Errani]] in semifinàl e la gh céd par 4-6 1-6. A gl'[[Ulimpìadi]] ad [[Lóndra]] la pòrta via 'n set a la [[Viktoryja Azaranka]] pò la bat la [[Caroline Wozniacki]] a gl'[[US Open]] par 6-2 6-2. In Setémbar la vins al sò prim tìtul [[WTA]] a [[Taškent]] baténd in finàl la qualificàda [[Donna Vekić]]. Al méś dòp, baténd la [[Kiki Bertens]] e la [[Bethanie Mattek-Sands]], la riva in semifinàl anc a [[Linz]] ma la pèrd fàcil da la nùmar òṅ dal mónd, la [[Viktoryja Azaranka]] par 2-6 1-6.

In dal 2015 la riva a gl'utàṿ di [[Australian Open]] (1-6 7-5 2-6 da l'[[Eugenie Bouchard]]) faghénd la surpréśa a 'l prim tùr'n in dua la fà fóra l'[[Angelique Kerber]] vinsidōra dal tìtul 'l an dòp. A [[Rio de Janeiro]] la bat la [[Bethanie Mattek-Sands]] e la [[Julia Glushko]] prima ad cédar par 3-6 6-4 2-6 a l'[[Anna Karolína Schmiedlová]]. Su la tèra vérda 'd [[Charleston]] la pèrd in di quàrt da la [[Angelique Kerber|Kerber]] par 6-7 6-7, pò la fà cumpàgn anc in dal ''Premier Mandatory'' ad [[Madrid]] cun la [[Petra Kvitová]]. A [[Róma]] la ''Begu'' la bat incóra la [[Angelique Kerber|Kerber]] prima 'd andàr a cà cun la [[Viktoryja Azaranka]] in di utàṿ. In Luj la s férma a 'l tèrs tùr'n a [[Wimbledon]] incruśànd la [[Marija Šarapova]]. In Setémbar a riva par lē al sò secónd tìtul ''iternational'' a [[Seùl]] (6-3 6-1 a la qualificàda [[Aljaksandra Sasnovič]]).

 

 

== Culegamènt estéran ==