Sghirât
Artìcol in dialètt pramsân
Con la paróla sghirât a s'inténda ed sòlit al sghirât ròss (Sciurus vulgaris) ma pù in generèl a s'pol inténdar tutì il sòrti dal gènòr Sciurus.
| Sghirât | |
|---|---|
 |
| Clasificasión siéntifica | |
|---|---|
| Dominì | Eukaryota |
| Rèign | Animalia |
| Clâsa | Mammalia |
| Órdin | Rodentia |
| Famija | Sciuridae |
| Genór | Sciurus |
Tutì il sòrti ed sghirat is polón dividar in trì grùp:
- il sòrti arboricoli ch'i stan prevalentemént in sim'ma'l pianti
- il sòrti'd térà ch'i stan in dil buzi fatì par térà
- il sòrti volânti ch'i gan dil membrani sòtà'l sanfi par planär ed tra méz il pianti tra na bròca e clätra
Tutì i sghirât i magnón dil nózi, dil nozióli, dil giândi, di fôns e dla frûta; ed solit i lóghen da magnèr d'istè e i al spärén par l'invérèn. S'i g'la cäven a ćiapèria i magnón d'insétt e anca un quälc ósél pićén.
Socuanti sòrti ed sghirât
modificaAl sghirât ca podèmà catär in t'la penisóla italjâna l'è d'la sòrta Sciurus vulgaris, conósù pù che ätòr c'me sghirât evropéo o mej ancòrà c'me sghirât ròss. L'é 'na béstia ed taja meédia, long sù par sò 40 bòr, con'na plisà ròsà carga c'la dvénta bianca in sim'ma al stomégh.
Al sghirât ròss al s'pól catär fin in t'l'Ómbria, pù sò, a partîr da l'Abrùss, al sparizà par lasär al pòst a la râza nigra, che parò al saris sémpór ed la stèsà sòrta: a cambia ätor che al colôr.
Di ätri sòrti ed shirât i pólén isór al sghirât grîz di Amèrichi setantriónäli (Sciurus carolinensis) e al shirât volânt sibériàn (Pteromys volans).
 |
 |
 |
 |
|---|