Apri il menu principale

C'l artìcul chè 'l è scrit in Miranduléś Emiliàn

Video-x-generic.svg No Way Out
Senza via di scampo
Senza via di scampo.png
Kevin Costner e la Sean Young in na figùra dal film
Sénsa via 'd scamp
1987
Regia: Roger Donaldson
Scritùr: Kenneth Fearing • Robert Garland
Atùr: Kevin CostnerGene HackmanSean Young
Will PattonHoward DuffFred Dalton Thompson
ImanGeorge DzundzaLeon RussomBrad Pitt
Müsica: Maurice Jarre
Lengua: IngléśRus
Dürä dal film: 114 minüt
Nasiòṅ: Stat Unî


«
È'l un delìt pasiunàł o 'n at ad tradimènt?»
(Tagline dal film)


Senza via di scampo (Sénsa via 'd scamp) 'l è 'n thriller dal 1987 ad Roger Donaldson arfacimènt dna pelìcula dal 1948, Il tempo si è fermato ad John Farrow.

In na part piculìna, qvéla dal pulisiòt a 'l aeropòrt, a gh'è anc Brad Pitt chè a 'l sò prim rōl. Custâ quìndas migliòṅ ad dòlar, al 'n à fat sù da piò ad trénta-sinc.

Sunt

Al Segretàri dla diféśa di Stat Unî David Brice (Gene Hackman), cun 'l ajùt dal sò asistènt persunàł, al fùrub Scott Pritchard (Will Patton), al fà da tut par far andàr a gambi a l'élta un prugèt guvernatìṿ, ch'al cósta un muć ad bèsi, par rénd'r i sumergìbii americàṅ inviśìbii a i sònar. Ma soquànt militàr e pulìtig i vōlan cuntinuàr listés, prim fra tut al senadōr William Duvall (Howard Duff) e al cap dla CIA Marshall (Fred Dalton Thompson) ch'i furnìs'n acsè di dat fals par far crédar ch'i rus i sìan avànti in chi studi lè, dònca 'n perìcul par la sicurésa dal paéś.

Brice, ch'l à naśâ cla traplàda lè, al decìd ad mandàr al capitàṅ ad marìna Tom Farrell (Kevin Costner) a lauràr a 'l Pentàgun cuma cap dla sicurésa par tgnir 'd òć qvéi dla CIA. Tom al tōś servìsi e al taca anc a 'ndàr a lèt cun la Susan Atwell (Sean Young) che però sénsa dir-ag gnint la s fà mantgnìr pròpria da Brice. Chi lò, dimóndi gelóś, al gh mòla 'n sćiafòṅ parchè al vōl savēr cun chi l'à pasâ al fiṅ 'd stmana. Chi lē la vèra bóca sōl par dir ch'i còran la gh i à fat dabòṅ ma sénsa dir al nóm. Quànd la ringhéra dal sò apartamènt la céd, la dóna la casca par tèra adòs a 'n taulèṅ ad cristàl, la śbat la tèsta e la mōr. Brice al ciàma Pritchard a 'l telèfun par far-as jutàr. Chi lò al strulga 'n tragatèṅ in quàt'r e quàt'r òt: da 'l mumènt ch'in dal Pentàgun a s dascór da dimóndi tèmp ch'a gh sia na spìa rusa ad nóm Yuri lè dèntar, Scott al vōl dar la cólpa a lò dal masamènt faghénd crédar ch'la Susan la fus la sò amànta.

Culegamènt estéran