C'l artìcul chè 'l è scrit in Miranduléś Emiliàn

Performance
Sadismo

Mick Jagger in na figùra dal film
Sadìśum
1970
Regìa: Donald Cammell e Nicolas Roeg
Scritōr: Donald Cammell
Atōr: James FoxMick JaggerMichèle Breton
Anita PallenbergAnn SidneyStanley Meadows
John BindonAllan CuthbertsonAnthony Morton
Johnny ShannonKenneth ColleyJohn Sterland
Müsica: Jack Nitzsche
Léngua: Ingléś
Dürä dal film: 105 minüt
Nasiōṅ: Régn Unî


«
Debùt a la granda su 'l schérum ad Mick Jagger!»
(Tagline dal film)


Sadismo (Sadìśum) 'l è 'n film dramàtic dal 1970 ad Donald Cammell e 'd Nicolas Roeg, chè a 'l sò debùt da regìsta. La pelìcula, giràda in dal 1968 a dir dabòṅ, l'è finìda in dal 1999 in dla lista di sènt film britànic mijōr dal XX sécul, a la puśisiòṅ 48 p'r al British Film Institute.

Al 19 ad Setémbar dal 1970 'l è vgnû fóra 'n disc cun la culòna sunóra dal film da 'l tìtul Performance cun dènt'r al pès ad Mick Jagger Memo from Turner.

Sunt

Chas (James Fox) 'l è 'n delinquènt ch'al fà 'l piciadōr par na banda 'd criminài 'd Lóndra cmandàda p'r Harry Flowers (Johnny Shannon). Quànd Chas al decìd ad far ad tèsta sua, andànd cónt'r a 'n órd'n ad Flowers miténd-'ś in mèś a na questiòṅ fra lò e 'l pruprietàri 'd un negòsi 'd scumési ciamâ Joey Maddocks (Anthony Valentine), a scòpia 'n masèl fra i óm ad Maddocks, Chas e Flowers stés.

Par salvàr-as la vita, Chas al decìd ad lugàr-'s a Notting Hill tulénd in afìt 'n apartamènt da 'n èx stéla dla mùśica ch'l à „pardû 'l sò dèmun“, un tisi mèś chichèṅ ciamâ Turner (Mick Jagger). Chi lò al viṿ in dal stés palàs, in d'l apartamènt ad sōvar, insém a dū ragàsi, la Pherber (Anita Pallenberg) e la francéśa Lucy (Michèle Breton). Al sunadōr al s fà anc sarvìr da 'n masćèṅ sò amiradōr, Lorraine (Laraine Wickens).

Chas al vrév scapàr via a 'l èstar jutâ p'r al sò amìg Tony Farrell (Kenneth Colley), in dal méntar però al cata la manéra 'd andàr a lèt c'n al dū ragàsi. La Pherber la gh fà però magnàr di funś psichedèlig.

Culegamènt estéran