Robert Fico
|
C'l artìcul chè 'l è scrit in
Miranduléś |
Robert Fico (Topoľčany, 15 ad Setémbar dal 1964, a s lèś [ˈrobert ˈfit͡so] in śluvàc → Róbert Fizo in emigliàṅ) 'l è 'n pulìtig śluvàc, prim minìstar dla Śluvàchia da 'l Luj dal 2006 a 'l Luj dal 2010 e da 'l Avrìl dal 2012 a 'l Mars 2018.
Biugrafìa
Laureâ in léǵ, da śōvan al s iscrìv a 'l partî cumunìsta cecuśluvàc in dal 1987. Da 'l 1994 a 'l 2000 al fà 'l rapreśentànt dal sò paéś a la Cōrt européa di dirìt d'l óm. In séguit al dà vita a 'n partî pulìtig tut suo ciamâ SMER ch'a 'l inìsi al gh'iva da èsar na fòrsa 'd sèntar ma pò 'l è dvintâ 'n partî pupulìsta 'd sinìstra.
In dgl'elesiòṅ pulìtichi dal 2002 al mùcia sù 13,46% di vōt méntar quàt'r an dòp al pasa a 'l 29,1% e 'l dvènta prim minìstar faghénd 'n acòrd c'n al partî nasiunalìsta dal SNS. In dal 2012 al SMER al pasa a 'l 44,41% di cunsèns.